તમારા કામનું / બાળકો માટે LICની શાનદાર સ્કીમ, મની બેકની સાથે મળશે આકર્ષક રિટર્ન, જાણો ડિટેલ્સ

• બાળકો માટે LICની ખાસ પોલિસી 
• પાકતી મુદતે મળશે સારૂ રિટર્ન 
• જાણો પોલિસીને લઈને મહત્વની ડિટેલ્સ 

એલઆઈસી એવી એક જીવન વીમા કંપની છે જે વૃદ્ધોથી લઈને યુવાનો, મહિલાઓથી લઈને બાળકો સુધીના દરેક વય જૂથ માટે વીમા યોજનાઓ ઓફર કરે છે. LICનો નવો ચિલ્ડ્રન મની બેક પ્લાન એક એવો પ્લાન છે જે તમારા બાળકો માટે દરેક રીતે પૈસાની વ્યવસ્થા કરવામાં મદદ કરે છે. મની બેક પ્લાન બાળકોની ભાવિ નાણાકીય જરૂરિયાતો અનુસાર તૈયાર કરવામાં આવ્યો છે. જેમાં તમે પૈસાનું રોકાણ કરીને વધુ સારું વળતર મેળવી શકો છો.

ન્યૂ ચિલ્ડ્રન મની બેક યોજના
તમે LICના નવા ચિલ્ડ્રન મની બેક પ્લાનમાં રોકાણ કરીને એક વિશાળ ભંડોળ ઊભું કરી શકો છો. તમે આ પોલિસી 25 વર્ષ માટે ખરીદી શકો છો. આ યોજનામાં બાળકના 18 વર્ષ પછી પહેલી વખત મની બેકના રૂપમાં રકમ મળશે. 

બીજી તરફ બાળકની 20 વર્ષની ઉંમર પર તમને પૈસા પાછા મળશે. ત્રીજી વખત તમને 22 વર્ષની ઉંમરે પૈસા પાછા મળવાનો લાભ મળશે. ત્રણ મની બેકમાં તમને 20-20 ટકા રકમ આપવામાં આવે છે અને પરિપક્વતા પર બાળક 25 વર્ષનું થાય પછી તમને કુલ રકમના 40 ટકા મળે છે.

ન્યૂ ચિલ્ડ્રન મની બેક પ્લાનની ખાસીયતો 

• આ પોલિસી લેવા માટે તમારા બાળકની ઉંમર 0 થી 12 વર્ષની વચ્ચે હોવી જોઈએ.
• આ સ્કીમમાં તમને 60 ટકા પૈસા પાછા મળશે અને મેચ્યોરિટી પર 40 ટકા મળશે.
• આ યોજનામાં તમે તમારી જરૂરિયાત મુજબ ઓછામાં ઓછી 1 લાખ રૂપિયા અને મહત્તમ રકમ પસંદ કરી શકો છો.

કેટલું કરી શકાય છે રોકાણ? 
આ સ્કીમમાં રોકાણ કરવા માટે તમારે દરરોજ માત્ર 150 રૂપિયાનું રોકાણ કરવું પડશે. તમારી કુલ વાર્ષિક આવક 55,000 રૂપિયા હશે. 25 વર્ષ પછી કુલ જમા રકમ 14 લાખ રૂપિયા થશે. પાકતી મુદત પર પૈસા પાછા આપવા સાથે કુલ રકમ ખાતા ધારકને રૂ. 19 લાખ મળશે. પોલિસીધારકના મૃત્યુના કિસ્સામાં, તમને મેચ્યોરિટી પર વ્યાજ સાથે સંપૂર્ણ જમા રકમ મળશે.