LICની તરફથી ખાસ અભિયાન ચલાવીને લેપ્સ પોલિસીને ફરીથી રિન્યુ કરવામાં આવી રહી છે. આ અભિયાન હેઠળ 25 માર્ચ પહેલા પ્રીમિયમ જમા કરાવનારાઓને લેટ ફી પર વિશેષ ડિસ્કાઉન્ટ આપવામાં આવી રહ્યું છે.
LIC પોલિસી હોલડર્સ માટે મોટા સમાચાર
25 માર્ચ સુધી કરી લો આ કામ
નહીં તો અટકાઈ જશે તમારા પૈસા
દેશની સૌથી મોટી સરકારી વીમા કંપની લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC)એ પોલિસી ધારકોને મોટી રાહત આપી છે. આ સમાચાર એવા લોકો માટે છે જેમની પોલિસી લેપ્સ થઈ ગઈ છે. પોલિસી લેપ્સ થવા પર LIC આવા લોકોને મોટી રાહત આપવા જઈ રહી છે. તમે લેટ ફી ચૂકવીને પણ લેપ્સ પોલિસીને ફરી ચાલુ કરી શકો છો.
દેશ ભરમાં ચાલી રહ્યું છે ખાસ કેમ્પેન
તમને લાંબા ગાળે લેપ્સ પોલિસી શરૂ કરવાનો લાભ મળશે. LIC એ લેપ્સ્ડ પોલિસીનું પ્રીમિયમ જમા કરવા માટે 25 માર્ચ, 2022 સુધીનો સમય આપ્યો છે. આ યોજના હેઠળ, ટર્મ ઇન્સ્યોરન્સ, મલ્ટી રિસ્ક પોલિસીઝ વગેરે જેવી હાઈ રિસ્ક વીમા યોજનાઓના કિસ્સામાં લેટ ફી માફી આપવામાં આવશે નહીં. એલઆઈસી દ્વારા દેશભરમાં વિશેષ અભિયાન ચલાવવામાં આવી રહ્યું છે.
સ્પેશિયલ કેમ્પેન સાથે જોડાયેલી જાણકારી
પ્રીમિયમમાં ડિફોલ્ટની તારીખ 5 વર્ષથી વધુ જૂની ન હોવી જોઈએ. એટલે કે, તમે પ્રથમ પ્રીમિયમ ચુકવણીમાં ડિફોલ્ટના 5 વર્ષની અંદર પોલિસીને રિવાઈઝ કરી શકો છો. ટર્મ ઇન્સ્યોરન્સ, મલ્ટીપલ રિસ્ક પોલિસી વગેરે જેવી હાઈ રિસ્ક યોજનાઓના કિસ્સામાં લેટ ફી માફી સ્વીકાર્ય રહેશે નહીં. આવી પોલિસીઓ, જે પ્રીમિયમ ભરવાની ટર્મમાં લેપ્સ થઈ ગઈ છે અને જેની પોલિસીની મુદત રિવાઈઝ તારીખ સુધી પૂર્ણ થઈ નથી તેને આ કેમ્પેનમાં રિવાઈઝ કરી શકાય છે.