તમારા કામનું / ફક્ત 60 રૂપિયા રોકીને શરૂ કરો LICની આ પોલિસી, ટેક્સ છૂટમાં લાભની સાથે મળશે બીજા પણ ઘણા ફાયદા

• LICની જીવન મંગળ પોલિસીમાં કરો રોકાણ 
• ટેક્સ છૂટમાં ફાયદાની સાથે મળશે અન્ય લાભ 
• જાણો પોલિસી વિશે બધુ જ

દેશમાં ઘણી મોટી વીમા કંપનીઓ હાજર છે પરંતુ આજે પણ દેશના મધ્યમવર્ગ LICમાં પોતાના પૈસા રોકવાનું પસંદ કરે છે. તેનું સૌથી મોટુ કારણ એ છે કે તેમાં પૈસા ડૂબવાનો ખતરો ન બરાબર હોય છે અને LICની સ્કીમમાં રોકાણ કરવા પર તમને સારૂ રિટર્ન મળે છે. LICની એક એવી પોલિસી છે જેનું નામ છે ન્યૂ જીવન મંગલ પોલિસી. 

આ પોલિસીની સૌથી ખાસ વાત એ છે કે તમે પ્રીમિયમમાં કેટલા પૈસાની ચુકવણી કરો છો તે દરેક પ્રીમિયમના પૈસા તમને પરત મળી જાય છે. આ પોલિસીમાં તમને ફક્ત 60 રૂપિયાનું જ પ્રીમિયમ આપવું પડે છે. તેની સાથે જ આ પોલિસીમાં વીમાધારકને ડેથ બેનિફિટનો પણ લાભ આપવામાં આવે છે. પોલિસીધારકના અચાનક મોત પર પરિવારને વીમાના પૈસા આપવામાં આવે છે. 

ન્યૂ જીવન મંગલ પોલિસી પર મળે છે આટલું કવર 
તમને જણાવી દઈએ કે રેગ્યુલર પ્રીમિયમ પોલિસી લીધા બાદ વીમાધારકના અચાનક મોત પર તેના પરિવારને 7 ગણા વધારે પૈસા અથવા પ્રીમિયમના 105 ટકા સુધીની રકમ મળે છે. આ સિંગલ પ્રીમિયમ વીમાધારકના મોત બાદ તેના પ્રીમિયમ રકમના 125 ટકા સુધી મળે છે. 

મળે છે ટેક્સ છૂટમાં લાભ 
તમને જણાવી દઈએ કે ન્યૂ જીવન મંગળ પોલિસીમાં રોકાણ કરવા પર તમને ઈનકમ ટેક્સમાં પણ છૂટનો લાભ મળે છે. તેમાં તમને ઈનકમ ટેક્સની કલમ 80C હેઠળ છૂટ મળે છે. તેની સાથે જ મેચ્યોરિટી પર મળતા પ્રીમિયમના પૈસા પર પણ કોઈ પ્રકારનો ટેક્સ નથી લાગતો. 

કોણ લઈ શકે આ પોલિસી? 
તમને જણાવી દઈએ કે જીવન મંગલ પોલિસી લેવા માટે તમારી ઉંમર ઓછામાં ઓછી 18 વર્ષ અને વધારેમાં વધારે 55 વર્ષ હોવી જોઈએ. આ પોલિસી વીમાધારકના 65 વર્ષ થવા પર મેચ્યોર થાય છે. આ પોલિસીમાં વીમાધારકને ઓછામાં ઓછા 10 હજાર અને વધારેમાં વધારે 50 હજાર રૂપિયા સુધી સમ એશ્યોર્ડ મળે છે. જણાવી દઈએ કે જો તમે રેગ્યુલર પ્રીમિયમ પોલિસીની પસંદગી કરીને 10 વર્ષ માટે 20,000 સમ ઈશ્યોર્ડ પોલિસી લો છો તો તમારે વાર્ષિક પ્રીમિયમ 1,191 રૂપિયા ચુકવવાના રહેશે.