આવક / 150 રૂપિયાની બચાવીને તમે તમારા બાળકને બનાવી શકો છો લખપતિ, જાણી લો આ સ્કીમ વિશે નહીંતર પસ્તાશો

• બાળકોનું ભવિષ્ય સુરક્ષિત કરવા માટે બેસ્ટ છે આ સ્કીમ
• ચિલ્ડ્રન્સ મની બેક પ્લાન તમારા બાળકને બનાવી દેશે લખપતિ
• એલઆઈસીની નવી ચિલ્ડ્રન્સ મની બેક પ્લાનની કુલ અવધિ 25 વર્ષ છે

દેશની સૌથી મોટી જીવન વીમા કંપની એલઆઈસી ગ્રાહકોની સુવિધાને ધ્યાનમાં રાખીને ઘણી પોલિસી લાવતી રહે છે. આ કંપનીની પોલિસીમાં રોકાણ કરવા પર ગ્રાહકોને ઘણાં ફાયદાઓ પણ મળે છે. આજના સમયમાં, માતાપિતાના નાણાકીય આયોજનના કેન્દ્રમાં તેમના બાળકો પણ સામેલ હોય છે. ઘણાં પેરેન્ટ્સ બાળકોના શિક્ષણ, લગ્ન અને અન્ય ખર્ચ માટે ક્યાંક રોકાણ પણ કરે છે. ભારતીય જીવન વીમા નિગમની પણ આવી જ એક યોજના છે, જે બાળકોની જરૂરિયાતોને ધ્યાનમાં રાખીને બનાવવામાં આવી છે. 

દેશની સૌથી મોટી જીવન વીમા કંપની જીવન વીમા નિગમ (LIC) ગ્રાહકોની સુવિધાને ધ્યાનમાં રાખીને રોકાણની ઘણી સ્કીમ લાવે છે. જેમાં ગ્રાહકોને સારું રિટર્ન મળે છે. એલઆઈસી પાસે આવી જ એક સ્કીમ છે, જે બાળકોની જરૂરિયાતોને ધ્યાનમાં રાખીને તૈયાર કરવામાં આવી છે. અમે LICની નવી ચિલ્ડ્રન્સ મની બેક સ્કીમ વિશે વાત કરી રહ્યા છીએ. ચાલો જાણીએ આ સ્કીમ વિશે. 

પોલિસી વિશેની ખાસ વાતો

• આ વીમો મેળવવા માટે લઘુતમ વય 0 વર્ષ છે.
• વીમો લેવાની મહત્તમ વય 12 વર્ષ છે.
• તેની ન્યૂનતમ રકમ 10,000 રૂપિયા છે.
• મહત્તમ વીમા રકમની કોઈ મર્યાદા નથી.
• પ્રીમિયમ વેવર બેનિફિટ રાઇડર-વિકલ્પ પણ ઉપલબ્ધ છે.

મેચ્યોરિટીની અવધિ

એલઆઈસીની નવી ચિલ્ડ્રન્સ મની બેક પ્લાનની કુલ અવધિ 25 વર્ષ છે.

મની બેક હપ્તો

આ સ્કીમ હેઠળ બાળક જ્યારે 18 વર્ષ, 20 વર્ષ અને 22 વર્ષનો થશે ત્યારે એલઆઇસી વીમા રકમના બેઝિક સમ ઇન્સ્યોર્ડનનો 20-20% ચૂકવે છે. બાકીના 40 ટકા ચુકવણી પોલિસી ધારકના 25 વર્ષ પૂરા થાય ત્યારે કરવામાં આવશે. આ ઉપરાંત બધાં બાકી બોનસ ચૂકવવામાં આવશે.

મેચ્યોરિટી બેનિફિટ

પોલિસી મેચ્યોરિટી સમયે (જો વીમાધારકની પોલિસીની અવધિ દરમિયાન મોત થવા પર)  પોલિસી ધારકને બાકીની રકમનો 40% બોનસ સાથે મળશે.

ડેથ બેનિફિટ 

પોલીસીની અવધિ દરમિયાન પોલિસી ધારકની મૃત્યુ થાય તો, વીમા રકમ ઉપરાંત, સરળ રીવર્ઝનરી બોનસ અને છેલ્લો અતિરિક્ત બોનસ આપવામાં આવે છે. ડેથ બેનિફિટ કુલ પ્રીમિયમ ચુકવણીના 105 ટકાથી ઓછો નહીં હોય. આ પોલિસી અંગેની વધુ માહિતી માટેતમે www.licindia.in પર પણ જઈ શકો છો.