ઓછી આવક ધરાવનાર લોકો માટે LICની માઇક્રો બચત વીમા પોલીસી ઓછી આવક ધરાવતા લોકો માટે ખૂબ ઉપયોગી છે. તે પ્રોટેક્શન અને સેવિંગનું કોમ્બિનેશન છે. આ યોજના એક્સિડેન્ટના કિસ્સામાં પરિવારને આર્થિક સહાય પૂરી પાડશે. તે ઉપરાંત પોલિસી મેચ્યોર થવા પર એક સામટી રકમ આપવામાં આવશે.
લોનની સુવિધા ઉપલબ્ધ
માઇક્રો બચત નામની આ નિયમિત પ્રીમિયમ યોજનામાં ઘણી સુવિધાઓ છે. આ વીમા યોજનામાં 50 હજાર રૂપિયાથી 2 લાખ સુધીનો વીમો મળશે. આ નોન -લિન્ક્ડ વીમા યોજના છે. આ યોજના હેઠળ, પોલિસીમાં લોયલ્ટીનો લાભ પણ મળશે. જો કોઈએ 3 વર્ષ માટે પ્રીમિયમ ચૂકવ્યું હોય, તો તેને માઇક્રો સેવિંગ્સ પ્લાનમાં લોનની સુવિધા પણ મળશે.
કોણ લઇ શકે યોજના?
આ વીમો ફક્ત 18 થી 55 વર્ષની વયના લોકો માટે ને મળશે. જે અંતર્ગત, કોઈ તબીબી તપાસની જરૂર પડશે નહીં. જો કોઈ 3 વર્ષ સુધી સતત પ્રીમિયમ ચૂકવે છે અને ત્યારબાદ પ્રીમિયમ ચૂકવવા માટે સક્ષમ નથી તો 6 મહિના સુધી વીમાની સુવિધા ચાલુ રહેશે. જો આ પ્રીમિયમ પોલિસી હોલ્ડર 5 વર્ષ માટે ચૂકવે છે, તો તેને 2 વર્ષનો ઓટો કવર મળશે. આ પ્લાનની સંખ્યા 851 છે.
કેટલા ટાઈમ સુધીનો હશે પોલિસી ટર્મ
માઇક્રો બચત વીમા યોજનાનો પોલિસી ટર્મ 10 થી 15 વર્ષ સુધીનો રહેશે. આ પ્લાનમાં વાર્ષિક, અર્ધવાર્ષિક, ત્રિમાસિક અને માસિક ધોરણે પ્રીમિયમ ચૂકવી શકાય છે. આમાં તમને LICના એક્સિડેન્ટ રાઇડર ઉમેરવાની સુવિધા પણ મળશે. જોકે, આ માટે તમારે અલગ પ્રીમિયમ ચૂકવવું પડશે.
રોજના 28 રૂપિયામાં પર મળશે 2 લાખનો ઈન્શ્યોરન્સ
માઇક્રો બચત વીમા યોજના હેઠળ 18 વર્ષની વયનો કોઈ વ્યક્તિ 15 વર્ષનો પ્લાન લેતી હોય તો તે પ્રતિ હજાર 51.5 રૂપિયા પ્રીમિયમ આપે છે. એવી જ રીતે 25 વર્ષ માટે 51.60 રૂપિયા અને 35 વર્ષ માટે 52.20 રૂપિયા પ્રીમિયમ પ્રતિ હજાર રૂપિયા આપવા પડશે. 10 વર્ષના પ્લાનમાં પ્રીમિયમ 85.45 થી 91.9 રૂપિયા પ્રતિ હજાર રૂપિયા રહેશે અને પ્રીમિયમમાં 2 ટકા ડિસ્કાઉન્ટ પણ મળશે. જો પ્લાન લીધા બાદ તમને અનુકૂળ ન આવે તો 15 દિવસની અંદર પ્લાનને રદ્દ કરી શકો છે. જો કોઈ 35 વર્ષનો વ્યક્તિ 1 લાખ રૂપિયા સમ અશ્યોર્ડ વળી 15 વર્ષની પોલીસી લે છે તો તેનો વર્ષીય પ્રીમિયમ 5116 રૂપિયા આવશે. તે ઉપરાંત ચાલુ પોલિસીમાં 70 ટકા સુધીની રકમ મળશે. ચાલુ પોલિસીમાં 60 ટકા સુધીની રકમ માટે લોનની પાત્રત રહેશે.
આ છે ગણતરી
જો કોઈ વ્યક્તિએ 35 વર્ષની ઉંમરે આગામી 15 વર્ષ માટે આ પોલિસી લીધી હોય, તો તેણે વર્ષે 52.20 રૂપિયાનું પ્રિમિયમ જમા કરાવવું પડશે. એવી જ રીતે, જો કોઈ વ્યક્તિ 2 લાખ રૂપિયાની વીમા રકમ લે છે, તો તેણે 52.20 x 100 x 2 એટલે કે વાર્ષિક 10,300 રૂપિયા જમા કરાવવા પડશે. એટલે કે, દરરોજ 28 રૂપિયા અને ડર મહિને 840 રૂપિયાનું પ્રીમિયમ જમા કરાવવું પડશે.
કલમ 80C હેઠળ પ્રીમિયમ ચુકવણી પર મળશે છૂટ
ગ્રાહકને લોન પર 10.42 ટકાના દરે વ્યાજ ચૂકવવું પડશે. પ્રીમિયમની ચુકવણી માટે 1 મહિનાનું ડિસ્કાઉન્ટ મળશે. આ પોલિસી માટે મેચ્યોરિટીની મહત્તમ ઉંમર 70 વર્ષ રહેશે. આ એક લાઈફ ઇન્શ્યોરેન્સ પોલિસી છે, તેથી તમને પ્રીમિયમ ચુકવણી પર કલમ 80C હેઠળ ઇન્કમ ટેક્સની છૂટ મળશે.