હવે તમારે પેન્શન મેળવવા માટે 60 વર્ષ સુધી રાહ જોવાની જરૂર નથી. તમે એકવાર પ્રીમિયમ ભરીને આખી જિન્દગી પેન્શન મેળવી શકો છો. ચાલો જાણીએ કઈ રીતે.
આ જબરદસ્ત પ્લાનમાં જીવનભર મળશે પેન્શન
બસ એક જ વાર ભરવું પડશે પ્રીમિયમ
હવે પેન્શન મેળવવા માટે 60 વર્ષ સુધી રાહ નહીં જોવી પડે
હવે પેન્શન લેવા માટે તમારે 60 વર્ષની રાહ જોવાની જરૂર નહીં. જીવન વીમા નિગમ LICએ હાલમાં જ એક જબરદસ્ત પ્લાન લોન્ચ કર્યો છે. આ એક સિંગલ પ્રીમિયમ પ્લાન છે. આ પોલિસી લેતી વખતે તમારે માત્ર એક જ વાર પ્રીમિયમ ચૂકવવું પડશે અને તે પછી તમને આજીવન પેન્શન મળતું રહેશે. આ યોજના 1 જુલાઈથી શરૂ થઈ છે.
સરલ પેન્શન યોજના લેવાની 2 રીત
સિંગલ લાઈફ
આમાં પોલિસી કોઈ એકના નામ પર રહેશે એટલે કે પેન્શન યોજના કોઈપણ એક વ્યક્તિ સાથે જોડાયેલી રહેશે. જ્યાં સુધી પેન્શનધારક જીવિત રહેશે તેમને પેન્શન મળતું રહેશે. તેમના મૃત્યુ બાદ બેસ પ્રીમિયમની રકમ તેમના નોમિનીને મળી જશે.
જોઈન્ટ લાઈફ
આમાં બંને જીવનસાથીનું કવરેજ હોય છે. જ્યાં સુધી પ્રાઈમરી પેન્શનધારક જીવિત હોય તેમને પેન્શન મળતું રહેશે. તેમના મૃત્યુ બાદ તેમના જીવનસાથીને જીવનભર પેન્શન મળતું રહેશે. તેમના મૃત્યુ બાદ બેસ પ્રીમિયમની રકમ તેમના નોમિનીને મળશે.
કોણ લઈ શકે છે સરળ પેન્શન યોજના?
વીમાધારક માટે પોલિસી લેતા જ તેનું પેન્શન શરૂ થઈ જશે.
આ યોજના 40 વર્ષથી 80 વર્ષના લોકો માટે છે.
હવે તે તમારા પર નિર્ભર રહેશે કે તમે દર મહિને, ત્રિમાસિક કે અર્ધવાર્ષિક કે વાર્ષિક પેન્શન મેળવવા માંગો છો. તમારે આ વિકલ્પ જાતે પસંદ કરવો પડશે.
આ પેન્શન યોજના ઓનલાઈન અને ઓફલાઈન બંને રીતે લઈ શકાય છે.
આ યોજનામાં 12000 રૂપિયાનું ન્યૂનતમ રોકાણ કરવું પડશે. આમાં રોકાણની મહત્તમ મર્યાદા નથી.
સરલ પેન્શન પોલિસીને શરૂ થવાની તારીખથી 6 મહિના બાદ પોલિસી હોલ્ડરને કોઈપણ સમયે લોન મળી જશે.
કેટલુ મળશે પેન્શન?
આ સરળ પેન્શન યોજના માટે કેટલા પૈસા આપવા એ તમારે જાતે જ પસંદ કરવાનું રહેશે. એટલે કે જેટલું પણ પેન્શન અમાઉન્ટ તમે પસંદ કરશો તમને તેના હિસાબથી પેમેન્ટ કરવાનું રહેશે. જો તમે દર મહિને પેન્શન ઈચ્છો છો તો ઓછામાં ઓછા 1000 રૂપિયા પેન્શન લઈ શકો છો. ત્રણ મહિના માટે 3000 રૂપિયા, 6 મહિના માટે 6000 રૂપિયા અને 12 મહિના માટે 12000 રૂપિયા ન્યૂનતમ પેન્શન લઈ શકાય છે. મહત્તમ પેન્શનની કોઈ મર્યાદા નથી.
જો તમારી ઉંમર 40 વર્ષ છે અને પોતાના 10 લાખ રૂપિયાનું સિંગલ પ્રીમિયમ જમા કર્યું છે તો તમારે વાર્ષિક 50250 રૂપિયા મળવાનું શરૂ થઈ જશે જે આજીવન મળશે. આ ઉપરાંત જો વચ્ચે તમને પોતાની જમા કરેલી રકમ પરત જોઈએ છે તો આવી સ્થિતિમાં 5 ટકા કપાત કરી જમા કરવામાં આવેલી રકમ પરત મળી જાય છે.