એલઆઈસીએ માઈક્રો ઈન્શ્યોરન્સ પોલિસી પર ગ્રાહકોને 100 ટકા સુધી લેટ ફાઈનમાં છૂટ આપવા માટેનું એલાન કર્યું છે. તેનાથી નાની પોલિસીવાળા ગ્રાહકોને ખૂબ ફાયદો થશે.
LICએ કર્યું એલાન
100 ટકા સુધી લેટ ફાઈનમાં છૂટ
નાની પોલિસીવાળા ગ્રાહકોને થશે ફાયદો
જો તમારી લાઈફ ઈન્સ્યોરન્સ પોલિસી કોઈ કારણસર બંધ થઈ ગઈ હોય તો આ માટે વધારે ચિંતા કરવાની જરૂર નથી કારણ કે એલઆઈસીએ આ રીતે બંધ પોલિસીને પુનઃજીવિત કરવા માટે ખાસ અભિયાન શરૂ કર્યુ છે. આ અભિયાન 17મી ઓગસ્ટથી શરૂ થયું છે. અને 21મી ઓક્ટોબર સુધી ચાલશે.
બંધ થયેલી તમામ પોલિસી થઈ શકશે શરૂ
આ અભિયાન હેઠળ તે તમામ બંધ પોલિસીઓને ફરી ચાલુ કરી શકો છો જે યુલિપની શ્રેણીમાં આવતી નથી. જો તમારી કોઈપણ પોલિસી ઘણા મહિનાઓથી બંધ છે. તો તમે લેટ ફી ભરીને તેને ફરીથી શરૂ કરી શકો છો.
લેટ ફીમાં મળી રહ્યું છે ડિસ્કાઉન્ટ
આ અભિયાન હેઠળ એલઆઈસી લેટ ફીમાં ડિસ્કાઉન્ટ આપી રહી છે. જે ગ્રાહકો કોઈપણ કારણોસર પોલિસીનું પ્રીમિયમ ચૂકવી શક્યા ન હતા અને તેમની પોલિસી બંધ કરી દેવામાં આવી છે, તે ગ્રાહકો આ અભિયાન હેઠળ પોલિસી શરૂ કરી શકે છે.
LIC એ તેના ગ્રાહકોના નામે એક પ્રેસ રિલીઝ જાહેર કરી છે. આ રિલીઝ LICના ટ્વિટર હેન્ડલ પરથી જારી કરવામાં આવી છે. એલઆઈસીએ કહ્યું છે કે, એલઆઈસી એવા ગ્રાહકોને તક આપી રહી છે જેમની પોલિસી બંધ થઈ ગઈ છે અને તે પોલિસી શરૂ કરવાની.
5 વર્ષની અંદરની પોલિસી કરી શકાશે શરૂ
દેશની સૌથી મોટી પોલિસી કંપની LICએ જણાવ્યું છે કે યુલિપ લિંક્ડ વીમા યોજનાઓ સિવાય બાકીની તમામ બંધ થયેલી પોલિસીને ફરી શરૂ કરી શકે છે. તે ધ્યાનમાં રાખવું પડશે કે જે દિવસથી પોલિસી બંધ થઈ છે એટલે કે પહેલા અનપેડ પ્રીમિયમની તારીખથી 5 વર્ષની અંદર પોલિસીને શરૂ કરવામાં આવી શકે છે.
100% લેટ ફાઈન ડિસ્કાઉન્ટની જાહેરાત
LIC એ માઈક્રો ઈન્સ્યોરન્સ પોલિસી પર ગ્રાહકોને 100% લેટ ફાઈન ડિસ્કાઉન્ટ આપવાની જાહેરાત કરી છે. આનાથી નાની પોલિસી ધરાવતા ગ્રાહકોને ઘણો ફાયદો થશે અને કોઈપણ ચાર્જ ચૂકવ્યા વિના તેમનું રિસ્ક કવર ફરી શરૂ થશે.