યૂટિલિટી / દિકરીના લગ્ન માટે મળશે 27 લાખ રૂપિયા, LICની આ સ્કીમમાં દરરોજે જમા કરો ફક્ત 121 રૂપિયા

• LICની આ પોલિસી ખાસ દિકરીઓ માટે 
• આ સ્કિમમાં દરરોજે 121 રૂપિયા જમા કરો 
• પોલિસીને લગતી તમામ ડિટેલ્સ જાણો 

LIC એક નવી સ્કીમ લઈને આવી રહ્યું છે. LIC કન્યાદાન પોલિસી. આ પોલિસીને લઈને તમે દિકરીના લગ્નની ચિંતામાંથી મુક્ત થઈ જશો. આ પોલિસીને ખાસ દિકરીઓના લગ્ન માટે તૈયાર કરવામાં આવી છે.

આ પોલિસીમાં કયા દસ્તાવેજોની જરૂર પડશે? 
આ પોલિસી માટે ફોર્મ ભરવા માટે તમારે આધાર કાર્ડ, આવકનું પ્રમાણ પત્ર, ઓળખ પત્ર, એડ્રેસ પ્રુફ અને પાસપોર્ટ સાઈઝ ફોટાની જરૂર પડશે. આ ઉપરાંત સિગ્નેચર કરેલા આવેદન ફોર્મ અને પહેલા પ્રીમિયમ માટે ચેક અથવા કેસની સાથે સાથે જન્મ પ્રમાણ પત્ર પણ આપવાનું રહેશે. 

કોણ લઈ શકશે આ પોલિસી? 
આ પોલિસીને 25 વર્ષની જગ્યાએ 13 વર્ષ માટે પણ લઈ શકાય છે. આ પૈસાનો ઉપયોગ  લગ્ન ઉપરાંત દિકરીના અભ્યાસમાં પણ કરી શકાય છે. કુલ મળીને તમે આ પોલિસી દ્વારા દિકરીના અભ્યાસ અને તેના લગ્ન બન્નેની ચિંતામાંથી મુક્ત થઈ શકો છે. 

પોલિસીની સમયમર્યાદા 
જો તમે તમારી દિકરી માટે પોલિસી લેવા ઈચ્છતા હોવ તો તમારી ઉંમર ઓછામાં ઓછી 30 વર્ષ હોવી જરૂરી છે. દિકરીની ઉંમક 1 વર્ષ હોવી જરૂરી છે. આ પોલિસી આમતો 25 વર્ષ માટે છે. પરંતુ પ્રીમિયમ ફક્ત 22 વર્ષ સુધી જ આપવાનું રહેશે. બાકીના 3 વર્ષ માટે કોઈ પ્રીમિયમ નહીં આપવાનું રહે. પરંતુ ધ્યાન આપવાની વાત એ છે કે દિકરીની ઉંમરના હિસાબથી આ પોલિસીની સમયમર્યાદા ઘટાડી પણ શકાય છે. 

ડેથ બેનેફિટનો પણ સમાવેશ 
જો પોલિસી લીધા બાદ પોલિસીધારકનું મૃત્યુ થાય છે કો તેના પરિવારને પ્રીમિયમ નહીં ભરવું પડે. જો મોત એક્સિડેન્ટલ છે તો પરિવારને 10 લાખ રૂપિયા આપવામાં આવશે. જો મોત સામાન્ય સંગોજોમાં થયું છે તો 5 લાખ રૂપિયા મળશે. સાથે જ પરિવારને મેચ્યોરિટી સુધી દર વર્ષે 50,000 રૂપિયા પણ મળશે. એટલે કે આ પ્લાનમાં ડેથ બેનેફિટ પણ શામેલ છે. 25 વર્ષ બાદ 27 લાખ રૂપિયાની રકમ નોમિનીને આપવામાં આવશે. 

કેટલું રહેશે પ્રીમિયમ 
આ પોલિસીમાં તમને દરરોજે 121 રૂપિયા એટલે કે દર મહિને 3600 રૂપિયાનું પ્રિમીયમ ભરવાનું રહેશે. તમે ઈચ્છો તો તેનો ઓછા પ્રીમિયમ પર પણ પોલિસી લઈ શકો છો. પરંતુ તેમાં મળતી રકમ પણ ઓછી રહેશે. દરરોજે 121 રૂપિયા રોકવા પર 25 વર્ષ બાદ 27 લાખ રૂપિયા મળશે.