દીકરીઓના સારા ભવિષ્ય માટે સરકાર ઘણી યોજનાઓ ચલાવી રહી છે. એવામાં ભારતીય જીવન વીમા નિગમ (LIC) દીકરીઓને ધ્યાનમાં રાખીને એક ખાસ યોજના લઈને આવી છે. ચાલો જાણીએ.
દીકરીઓના સારા ભવિષ્ય માટે સરકાર ઘણી યોજનાઓ ચલાવી રહી છે
LICની આ પોલિસીમાં લગાવો પૈસા
LIC કન્યાદાન પોલિસી દીકરીઓ માટે છે ખાસ
આ યોજનાનું નામ એલઆઈસી કન્યાદાન પોલિસી છે. એલઆઈસીની આ સ્કીમ ઓછી આવક ધરાવતા માતા પિતાને દીકરીના લગ્ન રકમ એકત્ર કરવામાં મદદ કરે છે. LIC કન્યાદાન પોલિસી હેઠળ એક રોકાણકારે રોજ 130 રૂપિયા (વાર્ષિક 47,450 રૂપિયા) જમા કરાવવાના રહેશે. પોલિસી ટર્મના 3 વર્ષથી ઓછાં સમય માટે પ્રીમિયમ ચૂકવવામાં આવશે. 25 વર્ષ બાદ LIC તેમને લગભગ 27 લાખ રૂપિયા ચૂકવશે. એલઆઈસી કન્યાદાન પોલિસીમાં નોંધણી માટે રોકાણકારની લઘુત્તમ ઉંમર 30 વર્ષ છે અને રોકાણકારની દીકરીની લઘુત્તમ ઉંમર 1 વર્ષ હોવી જોઈએ.
લગ્ન પહેલાં 27 લાખ મળશે
આ પોલિસીનો મિનિમમ મેચ્યોરિટી પીરિયડ 13 વર્ષ છે. જો વીમાધારક વ્યક્તિનું કોઈ કારણસર મૃત્યુ થાય છે તો વ્યક્તિને એલઆઈસી તરફથી વધારાના 5 લાખ રૂપિયા ચૂકવવા પડશે. જો કોઈ વ્યક્તિ 5 લાખ રૂપિયાનો વીમો લે છે તો તેણે 22 વર્ષ માટે 1,951 રૂપિયા મંથલી પ્રીમિયમ ચૂકવવું પડશે. સમય પૂરો થવા પર LIC તરફથી 13.37 લાખ રૂપિયા મળશે. એવી જ રીતે જો કોઈ વ્યક્તિ 10 લાખનો વીમો લે છે તો તેણે દર મહિને 3901 રૂપિયાનું પ્રીમિયમ ચૂકવવું પડશે. જે બાદ LIC 25 વર્ષ પછી 26.75 લાખ ચૂકવશે.
ટેક્સમાં છૂટ મળશે
આવકવેરા અધિનિયમ 1961ની કલમ 80C હેઠળ, રોકાણકાર ચૂકવેલા પ્રીમિયમ પર ટેક્સમાં છૂટનો દાવો કરી શકે છે. કર મુક્તિ મહત્તમ 1.50 લાખ સુધી છે. તમને જણાવી દઈએ કે આ સ્કીમ માટે અરજી કરવા માટે આધાર કાર્ડ, આવક પ્રમાણપત્ર, ઓળખ કાર્ડ, જન્મ પ્રમાણપત્ર જેવા મહત્વના દસ્તાવેજો જરૂરી છે.