તમારા કામનું / LICની સુપરહિટ સ્કીમ! ફક્ત 233 રૂપિયાના રોકાણ પર મેળવો 17 લાખ, સાથે મળશે ટેક્સ બેનિફિટ્સ

• LICની આ સુપર હિટ સ્કીમમાં કરો રોકાણ 
• માત્ર 233 રૂપિયા જમા કરો 
• મેળવો 17 લાખ રૂપિયા 

LIC તેના ગ્રાહકો માટે સમયાંતરે શાનદાર યોજનાઓ ઓફર કરતી રહે છે. LIC દરેક વર્ગના લોકો માટે યોજનાઓ બનાવે છે. આવી સ્થિતિમાં જો તમે પણ સુરક્ષિત રોકાણ સાથે લાખપતિ બનવા માંગો છો તો LICની પોલિસી તમારા માટે ખૂબ જ ઉપયોગી છે. LIC જીવન લાભ પોલિસી એક એવી પોલિસી છે જેમાં તમે દર મહિને માત્ર રૂ. 233 જમા કરાવીને 17 લાખનું મોટું ફંડ મેળવી શકો છો. 

LIC જીવન લાભ
આ એક નોન લિંક્ડ પોલિસી છે (LIC jeevan Labh, 936) જેનું નામ જીવન લાભ છે. આ કારણે આ પોલિસીને શેર બજાર સાથે કોઈ લેવાદેવા નથી. બજાર ઉપર જાય કે નીચું તે તમારા પૈસાને જરાય અસર કરશે નહીં. એટલે કે આ સ્કીમમાં તમારા પૈસા સંપૂર્ણપણે સુરક્ષિત છે. આ એક લિમિટેડ પ્રીમિયમ પ્લાન છે. આ યોજના બાળકોના લગ્ન, શિક્ષણ અને મિલકતની ખરીદીને ધ્યાનમાં રાખીને બનાવવામાં આવી છે.

પોલિસીની ખાસિયતો 

• LICની જીવન લાભ પોલિસી (LIC Jeevan Labh Plan feature) નફો અને સુરક્ષા બન્ને આપે છે.
• આ પોલિસીને 8 થી 59 વર્ષની વયના લોકો સરળતાથી લઈ શકે છે.
• 16 થી 25 વર્ષ સુધી પોલિસીનું ટર્મ લેવામાં આવી શકે છે.
• કમસેકમ 2 લાખના સમ એશ્યોર્ડ લેવાના રહેશે.
• આમાં કોઈ મહત્તમ મર્યાદા નથી.
• 3 વર્ષ માટે પ્રીમિયમની ભરવા પર લોનની સુવિધા પણ ઉપલબ્ધ છે.
• પ્રીમિયમ પર ટેક્સ બેનિફિટ્સ અને પોલિસી ધારકના મૃત્યુ પર, નોમિનીને સમ એશ્યોર્ડ અને બોનસનો લાભ મળે છે.

નોમિનીને મળશે ડેથ બેનીફિટ 
જો પોલિસીધારક પોલિસીના સમયગાળા દરમિયાન મૃત્યુ પામે છે અને તેણે મૃત્યુ સુધી તમામ પ્રિમીયમ ચૂકવ્યા છે, તો તેના નોમિનીને ડેથ સમ એશ્યોર્ડ, સિમ્પલ રિવર્ઝનરી બોનસ અને ફાઈનલ એડિશન બોનસ મળે છે. એટલે કે નોમિનીને વધારાની વીમાની રકમ મળશે.