ભારતીય જીવન વીમા નિગમ પોતાના ગ્રાહકોના વર્તમાન અને ભવિષ્યને સુરક્ષિત રાખવા માટે ખાસ યોજનાઓ લાવે છે. LICના જીવન લાભ પ્લાનમાં દરરોજ 233 રૂપિયાનું રોકાણ કરીને 17 લાખ રૂપિયાનું ફંડ ભેગું કરી શકાય છે. ચાલો જાણીએ.
આ પોલિસીનું નામ જીવન લાભ (936) છે. આ એક નોન લિંક્ડ પોલિસી છે. આ કારણે આ પોલિસીનો શેર માર્કેટ સાથે કોઈ સંબંધ નથી. આ એક લિમિટેડ પ્રીમિયમ પ્લાન છે. કંપનીએ આ પ્લાન બાળકોના લગ્ન, અભ્યાસ અને પ્રોપર્ટીની ખરીદીને લઈ બનાવ્યો છે.
જાણો પોલિસીની ખાસિયત
એલઆઇસીની જીવન લાભ પોલિસી નફો અને સુરક્ષા બંને ઓફર કરે છે.
3 વર્ષ સુધી પ્રીમિયમ ભરવા પર લોનની સુવિધા પણ મળે છે.
પ્રીમિયમ પર છૂટ અને પોલિસીધારકના મૃત્યુ પર નોમિનીને વીમાની રકમ અને બોનસના લાભ મળે છે.
પોલિસીધારકનું મૃત્યુ થવા પર
જો પોલિસીધારકનું મૃત્યુ પોલિસી અવધિ દરમિયાન થાય છે અને તેણે તેના મૃત્યુ સુધી તમામ પ્રીમિયમની ચૂકવણી કરી છે તે તેના નોમિનીને મૃત્યુ લાભના રૂપમાં મૃત્યુ પર મળનારી વીમાની રકમ, સિંપલ રિવર્સનરી બોનસ અને ફાઇનલ એડિશનલ બોનસ (જો કંઈ હોય તો)ની ચૂકવણી કરવામાં આવે છે. તેનો અર્થ એ છે કે નોમિનીને વધારાની વીમા રકમ મળશે.
આ રીતે બનશે 17 લાખ રૂપિયા
ઉદાહરણથી સમજીએ તો જો કોઈ વ્યક્તિ 23 વર્ષની ઉંમરમાં 16 વર્ષનો ટર્મ પ્લાન અને 10 લાખ સમ એશ્યોર્ડ વિકલ્પ પસંદ કરે છે તો તેને 10 વર્ષ સુધી રોજના 233 રૂપિયા ભરવા પડશે. આ રીતે તેને કુલ 8,55,107 રૂપિયા ભરવા પડશે. આ રકમ મેચ્યોરિટી પર એટલે કે 39 વર્ષની ઉંમર પર આપવામાં આવશે, જે 17,13,000 રૂપિયા હશે.