રિલાયન્સને પછાડી દેશની સૌથી મોટી કંપની બની શકે છે LIC. કેન્દ્ર સરકાર LICમાં અમુક હિસ્સો IPO દ્વારા વેચવા જઈ રહી છે. નિષ્ણાતોના મતે શેરબજારમાં લિસ્ટીંગ બાદ LIC સૌથી વધુ માર્કેટ કેપ ધરાવતી કંપનીઓની હોડમાં રિલાયન્સને પણ પાછળ છોડી દેશની સૌથી મોટી લિસ્ટેડ કંપની બની શકે છે.
LIC બની શકે દેશની સૌથી મોટી કંપની
ભારતની અરામકો બની શકે છે LIC
હાલ રિલાયન્સ છે સૌથી મોટી કંપની
એક અંદાજ મુજબ LICનું વેલ્યુએશન 10 લાખ કરોડની આસપાસ હોવાનું મનાય છે. જ્યારે અત્યારે રિલાયન્સ 8.77 લાખ કરોડની માર્કેટ કેપ સાથે દેશની સૌથી મોટી કંપની છે,જેના પછી 8.12 લાખ કરોડની માર્કેટ કેપ સાથે TCS બીજા ક્રમે છે. દેશના ઈન્શ્યોરન્સ માર્કેટમાં LIC એકલાનો 71 ટકા હિસ્સો છે.
દેશના ઈન્શ્યોરન્સ માર્કેટમાં LIC એકલાનો 71 ટકા હિસ્સો
તો વીમા પોલિસીની સંખ્યાની દૃષ્ટિએ જોઈએ તો પણ 30 નવેમ્બર 2019ના અંતે કંપનીનો બજાર હિસ્સો 76.28 ટકા હતો. પહેલા વર્ષે પ્રિમિયમની કેટેગરીમાં કંપનીનો હિસ્સો 71 ટકા હતો. વીતેલા વર્ષે કંપનીની સરપ્લસ 10 ટકાવધીને 53 હજાર કરોડ થઈ ગયો હતો.
ગત વર્ષે 2610 કરોડનું ડિવિડન્ડ ચૂકવ્યું
કંપનીએ સરકારને ગત વર્ષે 2610 કરોડનું ડિવિડન્ડ ચૂકવ્યું છે.સેમકો સિક્યુરિટીઝના સીઈઓ જીમિત મોદીના જણાવ્યા મુજબ LICનું વેલ્યુએશન રૂ. 10 લાખ કરોડ માનીએ અને સરકાર તેમાંથી 5 ટકા હિસ્સો વેચવા કાઢે તો પણ સરકારને 50 હજાર કરોડ મળી જશે.