એલઆઈસી 25 થી 29 એપ્રિલની વચ્ચે પોતાના IPOનું એલાન કરી શકે છે. જાણો આ વિષે વિગતવાર
LIC IPO દેશનો સૌથી મોટો IPO હશે
LIC 25 થી 29 એપ્રિલ વચ્ચે IPOનું એલાન કરી શકે છે
પહેલા માર્ચમાં થવાનો હતો લોન્ચ
દેશનાં સૌથી મોટા IPOની રાહ બધાને છે. LICનાં IPOને લઈને મોટા સમાચાર સામે આવ્યા છે. એલઆઈસી 25 થી 29 એપ્રિલની વચ્ચે પોતાના IPOનું એલાન કરી શકે છે. આ સાથે જ એ સંભાવના જણાવવામાં આવી રહી છે કે કાલે એટલે કે 13 એપ્રિલ બુધવારનાં રોજ એલઆઈસી પોતાના UDRHP સિક્યોરિટી એકસચેંજ બોર્ડ ઓફ ઇન્ડિયામાં ફાઈલ કરી શકે છે.
IPO જલ્દી જ થશે લોન્ચ
સરકાર LIC IPOને માર્ચમાં લોન્ચ કરવાની હતી. પરંતુ રશિયા યુક્રેન યુદ્ધ વચ્ચે વૈશ્વિક બજારમાં ઘટાડાને કારણે આ નિર્ણયને ટાળવામાં આવ્યો હતો. હવે બજારની સ્થિતિ સામાન્ય થતી જોવા મળે છે. આવામાં હવે એવી આશા જતાવવામાં આવી રહી છે કે સરકાર જલ્દી જ એલઆઈસીનાં IPOને લાવી શકે છે. સરકાર એલઆઈસી IPOનાં માધ્યમથી 5 થી 6.5 ટકાની ભાગીદારી વહેંચી શકે છે. એલઆઈસીનાં IPOનાં માધ્યમથી સરકારની યોજના 50,000 થી 60,000 કરોડ રૂપિયા એકઠા કરવાની છે.
LICએ તાજેતરમાં ફેબ્રુઆરીમાં માર્કેટ રેગ્યુલેટર પાસે ડ્રાફ્ટ પેપર ફાઇલ કર્યા હતા. આ ડ્રાફ્ટ અનુસાર, LICના કુલ 632 કરોડ શેરમાંથી 31,62,49,885 ઇક્વિટી શેર વેચવાનો પ્રસ્તાવ છે. તેમાંથી 50 ટકા QIBs માટે આરક્ષિત રહેશે, જ્યારે તે 15 ટકા ગેર-સંસ્થાકીય ખરીદદારો માટે રહેશે.
12 મહિના સુધી રહેશે માન્ય
હવે એલઆઈસી આઈપીઓ સેબી દ્વારા મંજૂર થયા પછી, આ આઈપીઓ મંજૂરીની તારીખથી 12 મહિના માટે માટે માન્ય રહેશે. કેબિનેટની બેઠકમાં LIC IPOને લઈને મોટો નિર્ણય લેવામાં આવ્યો છે. આમાં ઓટોમેટિક રૂટ હેઠળ FDIEને 20 ટકા સુધી મંજૂરી આપવામાં આવી હતી. આ નિર્ણય બાદ LICના પ્રસ્તાવિત IPOમાં વિદેશી રોકાણનો માર્ગ ખુલી ગયો છે. પરંતુ, બજારના ઘટતા વાતાવરણને જોતા વિદેશી રોકાણકારોએ બજારમાંથી તેમના પૈસા પાછા લેવાનું શરૂ કરી દીધું છે.
પોલિસી ધારકો - કર્મચારીઓનો હિસ્સો રીઝર્વ
એલઆઈસી પોલિસી ધારકો અને કંપનીનાં કર્મચારીઓ માટે હિસ્સા રીઝર્વ રાખવામાં આવ્યા છે. બંનેને એલઆઈસીનાં ઇસ્યૂ છૂટ પર આપવામાં આવશે. એક રિપોર્ટ અનુસાર, સેબીમાં જમા હાજર ડોક્યુમેન્ટ અનુસાર, ઈશ્યૂનો 10 ટકા હિસ્સો પોલિસી ધારકો માટે રીઝર્વ કરવામાં આવ્યો છે એટલે જો તમારી એલઆઈસી પોલિસી લેપ્સ થઇ ચુકી છે તો પણ તમે રીઝર્વ કોટામાં બોલી લગાવી શકો છો. આ ઉપરાંત, એલઆઈસી કર્મચારીઓ માટે 5 ટકા હિસ્સો રીઝર્વ રહેશે.