ઘર ખરીદવાનું સપનું જોઈ રહેલાં લોકો માટે સારાં સમાચાર છે. દેશની જાણીતી હાઉસિંગ ફાઈનાન્સ કંપની LIC હાઉસિંગ ફાઈનાન્સ લિમિટેડે વર્ષ 2020 માટે હોમ લોન ઓફર રજૂ કરી છે. આ ઓફરમાં રેડી ટૂ મૂવ હોમ માટે લોન પર 6 EMI માફ કરી દેવામાં આવશે. આ ઉપરાંત અંડર કન્સ્ટ્રક્શન ઘર અથવા ફ્લેટના લોન પર તમારે ત્યારે પ્રિન્સિપલ રકમની ચૂકવણી કરવાની રહેશે, જ્યારે તમને ઘરનું પઝેશન મળશે. એટલે કે જ્યારે તમે ઘરમાં રહેવા જશો ત્યારે જ તમારે ચૂકવણી કરવી પડશે. હોમ લોન પર વ્યાજદર 8.10 ટકા છે.
ઘર ખરીદનાર લોકો માટે LICની ભેટ
રેડી ટૂ મૂવ હોમ માટે લોન પર 6 EMI માફ
હોમ લોન પર વ્યાજદર 8.10 ટકા છે
15 જાન્યુઆરીએ શરૂ થશે ઓફર
આ ઓફર 15 જાન્યુઆરીએ શરૂ થઈ ચુકી છે અને 29 ફેબ્રુઆરી સુધી ચાલુ રહેશે. આ ઓફરનો લાભ 15 માર્ચથી મળવાનો શરૂ થશે. આ ઓફરમાં મિનિમમ 20 લાખ રૂપિયાની હોમ લોન મળશે. આ ઉપરાંત મહત્તમ 2 કરોડ રૂપિયાની લોન લઈ શકાય છે.
પ્રોસેસિંગ ફી
1 કરોડ રૂપિયા સુધીની લોન પર લોનની રકમના 0.25 ટકા પ્રોસેસિંગ ફી થશે. જે મહત્તમ 10,000 રૂપિયા (GST સાથે) છે. જ્યારે 1 કરોડથી 5 કરોડ રૂપિયાની રકમ પર 0.25 ટકા પ્રોસેસિંગ ફી, મહત્તમ 25,000 રૂપિયા હશે. લોનની સમય મર્યાદા વધુમાં વધુ 30 વર્ષ સુધી હશે.
રેડી ટૂ મૂવ હોમ પર ઓફર
LIC HFLની વેબસાઇટ પર આપેલી જાણકારી મુજબ, રેડી ટૂ મૂવ હોમ પર ઓફરમાં હોમ લોન લેવાથી 6 ઈએમઆઈ માફ કરવામાં આવશે. તૈયાર થઈ ગયેલા ઘરને ખરીદવા પર મળશે, જેમાં OC પ્રાપ્ત કરી લેવામાં આવ્યા છે. આ ઓફરમાં 2 ઈએમઆઈની માફી 5મા અને પછી બેની 10મા વર્ષમાં અને બાકી બચેલા ઈએમઆઈની માફી લોન સમય મર્યાદાના 15મા વર્ષમાં મળશે.
અંડર કંસ્ટ્રક્શન ફ્લેટ પર ઓફર
LIC HFLનાં ઓફરમાં નિર્માણાધીન ઘર માટે પઝેશન મળવા સુધી પ્રિન્સિપલ રકમ ભરવી નહીં પડે. આ લોન નિર્માણાધીન સ્થિતિમાં હાલના ઘર કે ફ્લેટ માટે છે. આ માટે લોન લેનારનો ડિફોલ્ટ ફ્રી ટ્રેક રેકોર્ડ હોવો જોઇએ.