ફાયદાની વાત / માત્ર 1 વાર પ્રીમિયમ ભરો અને જીવનભર મળશે 12000 રૂપિયા, જાણી લો LICના આ જબરદસ્ત પ્લાન વિશે

• પેન્શન પ્લાન લેવાનું વિચારી રહ્યાં છો તો LICનો આ પ્લાન છે બેસ્ટ
• એકવાર પ્રીમિયમ ભરીને દર મહિને મેળવો પેન્શન
• આ પોલિસીનું નામ સરલ પેન્શન યોજના છે

તમને જણાવી દઈએ કે, આ પોલિસી લેતી વખતે તમારે માત્ર એક જ વાર પ્રીમિયમ ચૂકવવું પડશે અને તે પછી તમને આજીવન પેન્શન મળતું રહેશે. આ પોલિસીનું નામ સરલ પેન્શન યોજના છે.  એલઆઈસી સરલ પેન્શન પ્લાન એક સિંગલ પ્રીમિયમ પ્લાન છે. આ યોજના 1 જુલાઈથી શરૂ થઈ છે.

સરલ પેન્શન પ્લાન લેવાની 2 રીત

 LIC સરલ પેન્શન સ્કીમ બે રીતે લઈ શકાય છે પહેલું લાઈફ એન્યુટી વિથ 100 ટકા રિટર્ન ઓફ પરચેઝ પ્રાઈસ અને બીજું પેન્શન યોજના જોઈન્ટ લાઈફ. 

સિંગલ લાઈફ

આમાં પોલિસી કોઈપણ એકના નામે હશે, એટલે કે આ પેન્શન પ્લાન કોઈપણ એક વ્યક્તિ સાથે જોડાયેલું હશે. જ્યાં સુધી પેન્શનર જીવિત છે ત્યાં સુધી તેમને પેન્શન મળતું રહેશે. તે પછી નોમિનીને બેઝ પ્રીમિયમ મળશે.

જોઈન્ટ લાઈફ

આ યોજનામાં પતિ અને પત્ની બંનેને કવરેજ મળે છે. આમાં પતિ કે પત્ની જે લાંબા સમય સુધી જીવે છે, તેને પેન્શન મળે છે. જ્યારે બંને ના હોય ત્યારે નોમિનીને બેઝ પ્રાઈસ મળશે.

સરલ પેન્શન યોજનાની ખાસિયતો

• પોલિસી લેતા જ વીમાધારકની પેન્શન શરૂ થઈ જાય છે
• હવે તે તમારા પર નિર્ભર કરે છે કે તમે દર મહિને કે ક્વાર્ટરલી, હાફ ક્વાર્ટરલી કે યરલી પેન્શન ઈચ્છો છો. તમારે આ વિકલ્પ જાતે પસંદ કરવો પડશે.
• આ પેન્શન યોજના ઓનલાઈન અને ઓફલાઈન બંને રીતે લઈ શકાય છે.
• આ યોજનામાં 12000 રૂપિયાનું ન્યૂનતમ રોકાણ કરવું પડશે. આમાં રોકાણની કોઈ મહત્તમ મર્યાદા નથી.
• આ યોજના 40થી 80 વર્ષના લોકો માટે છે.
• આ યોજનામાં પોલિસીધારકને પોલિસી શરૂ થયાની તારીખના 6 મહિના બાદ કોઈપણ સમયે લોન મળશે.