મદદ / LICએ પીએમ રિલીફ ફંડમાં આપ્યા 105 કરોડ તો નારાયણ મૂર્તિ કરશે આ રીતે 10 કરોડની મદદ

કોરોનાથી રાહત કાર્યોમાં મદદ કરવા માટે એનઆર નારાયણમૂર્તિ અને તેમના પરિવારે પોતાના પર્સનલ ફંડમાં અક્ષય પાત્ર ફાઉન્ડેશનને 10 કરોડ રૂપિયાનું વચન આપ્યુ છે. આ ફંડમાં એકવા પ્રવાસી મજૂરો અને દિહાડી મજૂરોને ભોજન આપશે અને જરૂરી સામાન પૂરો પાડશે, જેઓ પોતાની રોજગારી ગુમાવી ચૂક્યા છે અને ખૂબ જ સંકટમાં છે. 

ઉલ્લેખનીય છે કે, અક્ષય પાત્ર ફાઉન્ડેશન દ્વારા પ્રવાસી મજૂરો અને રોજ કમાઇને જીવિકા ચલાવવા માટે ભોજનન અને જરૂરી સામાન પૂરો પાડી રહ્યા છે. મૂર્તિ પરિવારની મદદથી લોકડાઉનમાં ફસાયેલા ગરીબોને 55 લાખ પેકેટથી વધારે ભોજન આપવામાં આવી રહ્યુ છે. આ મદદ બેંગ્લોર, દિલ્હી, પૂણે, મથૂરા અને હૈદરાબાદ જેવા શહેરોમાં કરવામાં આવી રહી છે.

LIC એ આપ્યા 105 કરોડ 

ભારતીય જીવન વીમા નિગમ (LIC) કોરોના વાયરસની મહામારીથી પહોંચવા માટે પીએમ રિલીફ ફંડમાં 105 કરોડ રૂપિયા દાન કર્યા છે. LIC ના ચેરમેન કહ્યુ કે, ભારત આ મહામારીનો સામનો કરી રહ્યુ છે. ઉલ્લેખનીય છે કે, LIC દેશની સૌથી મોટી વીમા કંપની છે, તેના એસેટ બેસ લગભગ 31 લાખ કરોડ રૂપિયા છે. 

અત્યાર સુધી આટલું થયુ ડોનેશન

કોરપોરેટની વાત કરવામાં આવે તો પીએમ રિલીફ ફંડમાં અત્યાર સુધી ટાટા ગ્રુપ (1500 કરોડ રૂપિયા), રિલાન્યસ (500 કરોડ રૂપિયા), પેટીએમ (500 કરોડ રૂપિયા), વેદાંતા ગ્રુપ (100 કરોડ રૂપિયા), જિંદાલ ગ્રુપ (100 કરોડ રૂપિયા), પીએફસી (200 કરોડ રૂપિયા), ઇન્ફોસિસ ફાઉન્ડેશન (100 કરોડ રૂપિયા), ભારતી એન્ટરપ્રાઇઝીઝસ (100 કરોડ રૂપિયા), લક્ષ્મી મિત્તલ ગ્રુપ (100 કરોડ રૂપિયા), એનએમડીસી (150 કરોડ રૂપિયા) જેએસપીએલ (25 કરોડ રૂપિયા), પતંજલિ ગ્રુપ (25 કરોડ રૂપિયા) દાન કરી ચૂક્યા છે.