ડિજિટલ પેમેન્ટને પ્રોત્સાહન આપવા માટે લાઇફ ઇન્સ્યોરન્સ કોર્પોરેશન ઓફ ઇન્ડિયા (LIC)એ કાર્ડ દ્વારા કરવામાં આવતા તમામ પેમેન્ટ પર કન્વિનિયન્સ ફી નાબૂદ કરી દીધી છે. ક્રેડિટ કાર્ડ દ્વારા પેમેન્ટ પર હવે LICમાં ૧ ડિસેમ્બરથી કોઇ પણ પ્રકારનો ચાર્જ બંધ કરી દેવાયું છે.
LICએ ગ્રાહકોને આપી નવી સુવિધા
પેમેન્ટ પરની કન્વિનિયન્સી ફી નાબૂદ કરી
LIC નહીં વસૂલે કોઈ વધારાનો ચાર્જ
LICએ એક યાદીમાં જણાવ્યું છે કે ક્રેડિટ કાર્ડ દ્વારા પ્રીમિયમનું પેમેન્ટ, નવું પ્રીમિયમ અથવા લોન કે પોલિસી પર લેવામાં આવતી લોનના વ્યાજના પેમેન્ટ પર ૧ ડિસેમ્બરથી કોઇ વધારાનો ચાર્જ વસૂલવામાં નહીં આવે. LICએ જણાવ્યું છે કે ક્રેડિટ કાર્ડ દ્વારા વિના મૂલ્યે ટ્રાન્ઝેક્શન કરવાની આ સુવિધા તમામ કલેક્ટિંગ સિસ્ટમ-કાર્ડલેસ પેમેન્ટ અને કાર્ડ ડીપ-સેલ્સ મશીન પર સ્વાઇપ પોઇન્ટ માટે લાગુ પડશે.
ઓનલાઈન પેમેન્ટ માટે ડાઉનલોડ કરો આ એપ
જીવન વીમા કારોબારમાં એલઆઈસીની બજારમાં ભાગીદારી 70 ટકાની છે. એલઆઈસીના ગ્રહક ઓનલાઈન પેમેન્ટ માટે MYLIC App ડાઉનલોડ કરી શકે છે અને જેની પોલિસી 2 વર્ષથી વધારે સમયથી લેપ્સ થઈ ચૂકી છે તેમને પણ ફાયદો આપવામાં આવી રહ્યો છે.
આ ગ્રાહકોને પણ મળશે લાભ
લેપ્સ પોલીસીને પણ પોલીસી ધારક હવે ચાલુ કરાવી શકે છે, એક ટ્વીટમાં ભારતીય જીવન વીમા નિગમે કહ્યું છે કે એલઆઈસી પોલિસી ધારકોને માટે લેપ્સ્ડ પોલિસીને ફરી ચાલુ કરાવવાને માટેનો અવસર લાવી છે. જેની પોલિસી 2 વર્ષથી વધારે સમયથી લેપ્સ થઈ ચૂકી છે તેમને પણ ફાયદો આપવામાં આવી રહ્યો છે.