તમારા કામનું / દરરોજ ફક્ત 29 રૂ. બચાવીને મેળવો 4 લાખ, જાણો મહિલાઓને આત્મનિર્ભર બનાવતી LICની આ યોજના વિશે

• દરરોજ 29 રૂપિયાની કરો બચત 
• મળશે 4 લાખ રૂપિયા 
• મહિલાઓ બનશે આત્મનિર્ભર 

ઘણા લોકો LICની યોજનામાં રોકાણ કરવાનું પસંદ કરે છે. સુરક્ષા અને બચત બંને દ્રષ્ટિએ LIC યોજનાઓ ઉત્તમ છે. આજે અમે એલઆઈસીની એક ખાસ યોજના વિશે જણાવવા જઈ રહ્યા છીએ. જે ખાસ કરીને મહિલાઓને આત્મનિર્ભર બનાવવા અને તેમની આર્થિક સ્થિતિને મજબૂત કરવા માટે બનાવવામાં આવી છે. આ સ્કીમમાં દરરોજ 29 રૂપિયાની બચત કરીને 4 લાખ રૂપિયાની કમાણી કરી શકાય છે. ચાલો આ સ્કીમ વિશે વિગતવાર જાણીએ.

8 થી 55 વર્ષની મહિલાઓ કરી શકે છે રોકાણ
આ યોજનાનું નામ LIC આધાર શિલા યોજના છે. LICની આ યોજના હેઠળ 8 થી 55 વર્ષની મહિલાઓ તેમાં રોકાણ કરી શકે છે. LICનો આધાર શિલા પ્લાન તેના ગ્રાહકોને સુરક્ષા અને બચત બંને આપે છે. પરંતુ માત્ર તે જ મહિલાઓ આનો લાભ લઈ શકે છે જેમનું આધાર કાર્ડ બનેલું છે. પાકતી મુદત પર પોલિસીધારકને પૈસા મળે છે. એલઆઈસીની આ યોજના પોલિસીધારક અને તેના મૃત્યુ પછી પરિવારને આર્થિક મદદ પણ પૂરી પાડે છે.

પ્રીમિયમ અને મેચ્યોરિટી
LIC આધાર શિલા યોજના હેઠળ મિનિમમ રૂ. 75000 અને મેક્સિમમ રૂ. 3 લાખનું રોકાણ કરી શકાય છે. આ પોલિસીની પાકતી મુદત ઓછામાં ઓછી 10 વર્ષ અને વધુમાં વધુ 20 વર્ષ છે. તમને જણાવી દઈએ કે 8 થી 55 વર્ષની વયની મહિલાઓ LICના પ્લાનમાં રોકાણ કરી શકે છે અને મહત્તમ મેચ્યોરિટીની ઉંમર 70 વર્ષ છે. ત્યાં જ આ પ્લાનનું પ્રીમિયમ માસિક, ત્રિમાસિક, અર્ધવાર્ષિક અથવા વાર્ષિક ધોરણે કરવામાં આવે છે.

અહીં સમજો ગણિત 
તમે આ યોજનાને ઉદાહરણ દ્વારા સમજી શકો છો. ધારો કે જો તમે 30 વર્ષના છો અને 20 વર્ષ સુધી દરરોજ 29 રૂપિયા જમા કરો છો. તો પહેલા વર્ષમાં તમારી પાસે કુલ 10,959 રૂપિયા જમા થશે. હવે તેમાં 4.5 ટકા ટેક્સ પણ લાગશે. આવતા વર્ષે તમારે 10,723 રૂપિયા ચૂકવવા પડશે. આ રીતે તમે દર મહિને, ત્રિમાસિક, અર્ધવાર્ષિક અથવા વાર્ષિક ધોરણે આ પ્રીમિયમ જમા કરી શકો છો. તમારે 20 વર્ષમાં 2,14,696 રૂપિયા જમા કરાવવા પડશે અને મેચ્યોરિટી સમયે તમને કુલ 3,97,000 રૂપિયા મળશે.