LG મનોજ પાંડે આજે દેશના નવા આર્મી ચીફ તરીકેનો કાર્યભાર સંભાળશે. જેઓ એમએમ નરવણેની જગ્યા લેશે.
આજે દેશને મળશે નવા આર્મી ચીફ
LG મનોજ પાંડે બનશે નવા આર્મી ચીફ
'ઓપરેશન પરાક્રમ'માં પણ કામ કરવાનો અનુભવ
ભારતીય સેનાના શક્તિશાળી અને અનુભવી અધિકારી લેફ્ટનન્ટ જનરલ મનોજ પાંડે આજે દેશના નવા આર્મી ચીફ તરીકેનો ચાર્જ સંભાળવા જઈ રહ્યાં છે. ત્યારે તમને જણાવી દઇએ કે, ભારતીય સેનામાં આવું પહેલી વાર બની રહ્યું છે કે જ્યારે આર્મીના એન્જિનિયર કોરના કોઇ અધિકારીને સેનાની કમાન સોંપવામાં આવી રહી છે. લેફ્ટનન્ટ જનરલ મનોજ પાંડે હાલમાં સેનાના ઉપપ્રમુખ છે. 18 એપ્રિલના રોજ તેઓને સેના પ્રમુખ બનાવવા અંગેની જાહેરાત કરાઇ હતી.
અગાઉ, 28 વખત માત્ર પાયદળ, તોપખાના અને સશસ્ત્ર રેજિમેન્ટના અધિકારીઓ 13 લાખ જવાનો સાથે ભારતીય સેનાનું નેતૃત્વ કરી રહ્યાં છે. અધિકારી લેફ્ટનન્ટ જનરલ મનોજ પાંડે દેશના 29માં આર્મી ચીફ હશે. આ પહેલાં ભારતીય સેનામાં એન્જિનિયર-ઇન-ચીફ લેફ્ટનન્ટ જનરલ હરપાલ સિંહે ગઇ કાલે શુક્રવારના રોજ કૉર ઑફ એન્જિનિયર્સ તરફથી નામાંકિત આર્મી સ્ટાફના વડા લેફ્ટનન્ટ જનરલ મનોજ પાંડેને વસ્ત્રો સોંપ્યા હતા. મનોજ પાંડે આર્મી ચીફ તરીકે કાર્યભાર સંભાળનાર કૉર ઓફ એન્જિનિયર્સના પ્રથમ અધિકારી હશે.
જનરલ એમ.એમ નરવણેએ રાષ્ટ્રીય યુદ્ધ સ્મારક પર પુષ્પાંજલિ અર્પી
Delhi | General MM Naravane lays a wreath at National War Memorial prior to relinquishing as Chief of the Army Staff pic.twitter.com/luHjnnDEYX
પાંડે અત્યાર સુધી આર્મીના પૂર્વી કમાન્ડ તરીકેનું નેતૃત્વ કરતા હતા
એલજી મનોજ પાંડે આજે 30 એપ્રિલ (શનિવાર) ના રોજ નિવૃત્ત થયા બાદ જનરલ એમએમ નરવણેનું સ્થાન લેશે. આ જ વર્ષે 1 ફેબ્રુઆરીના રોજ આર્મીના વાઇસ ચીફ બનતા પહેલા સેનાના પૂર્વી કમાન્ડનું નેતૃત્વ કરી રહ્યાં હતા. આ કમાન્ડ સિક્કિમ અને અરુણાચલ પ્રદેશ સેક્ટરમાં વાસ્તવિક નિયંત્રણ રેખાની સુરક્ષા માટે જવાબદાર છે.
લેફ્ટનન્ટ જનરલ પાંડે એવાં સમયે ભારતીય સેનાનો હવાલો સંભાળી રહ્યાં છે કે જ્યારે સરકાર અનેક સુરક્ષા પડકારોનો અસરકારક રીતે સામનો કરવા માટે ત્રણેય સેનાઓ (આર્મી, નેવી અને એરફોર્સ) ના એકીકરણને લઇને ધ્યાન કેન્દ્રિત કરી રહી છે. LG પાંડેએ પોતાની કારકિર્દી દરમ્યાન આંદામાન અને નિકોબાર કમાન્ડના વડા તરીકે પણ સેવા આપી છે.
લેફ્ટનન્ટ જનરલ બીએસ રાજુને ભારતીય સેનાના નવા વાઇસ ચીફ ઓફ આર્મી સ્ટાફ તરીકે નિયુક્ત કરવામાં આવ્યા
મનોજ પાંડે નેશનલ ડિફેન્સ એકેડેમી (NDA) ના ભૂતપૂર્વ વિદ્યાર્થી છે અને ડિસેમ્બર 1982 માં કૉર ઓફ એન્જિનિયર્સ (ધ બોમ્બે સેપર્સ) માં નિયુક્ત કરવામાં આવ્યા હતા. તેમણે પોતાની શાનદાર કારકિર્દીમાં અનેક મહત્વપૂર્ણ હોદ્દા પર સેવા આપી હતી અને ઘણા વિસ્તારોમાં આતંકવાદ વિરોધી કામગીરીમાં પણ ભાગ લીધો હતો.
તેમની પાસે J&Kમાં 'ઓપરેશન પરાક્રમ' દરમિયાન નિયંત્રણ રેખા પર એન્જિનિયર રેજિમેન્ટની કમાન્ડ સંભાળવાનો પણ અનુભવ છે. આ સાથે, તેઓ પશ્ચિમ લદ્દાખના ઉચ્ચ પ્રદેશોમાં પર્વતીય વિભાગ અને પૂર્વોત્તરમાં એક કૉરની પણ કમાન સંભાળી ચૂક્યાં છે. માત્ર એટલું જ નહીં, તેઓએ ઇથોપિયા અને ઇરિટ્રિયામાં સંયુક્ત રાષ્ટ્ર મિશનમાં ચીફ એન્જિનિયર તરીકે પણ કામ કર્યું છે. પાંડેએ આર્મી હેડક્વાર્ટર ખાતે ડિરેક્ટોરેટ ઓફ મિલિટરી ઓપરેશન્સમાં એડિશનલ ડાયરેક્ટર જનરલ અને હેડક્વાર્ટર સધર્ન કમાન્ડમાં ચીફ ઑફ સ્ટાફ તરીકે પણ સેવા આપી છે.