આગામી દિવસમાં હોસ્પિટલની ડિઝાઇન તૈયાર કરી ટેન્ડરિંગ કરવાની પ્રક્રિયા ટૂંક સમયમાં હાથ ધરાશે
શહેરની વધુ એક હોસ્પિટલનું નવીનીકરણ
એલ જી હોસ્પિટલ 100 કરોડના ખર્ચે તૈયાર થશે
શારદાબેન હોસ્પિટલ 200 કરોડના ખર્ચે તૈયાર થશે
અમદાવાદ શહેરની વધુ એક હોસ્પિટલનું નવીનીકરણ કરવામાં આવશે. જે શહેરની એલ જી હોસ્પિટલનું નવીનીકરણ કરવામાં આવશે. અંદાજે 100 કરોડના ખર્ચે હોસ્પિટલ તૈયાર થશે. આ એલ જી હોસ્પિટલ 10 માળની બનાવાશે. જે જૂની એલ જી હોસ્પિટલને તોડી નવી ઇમારત બનાવાશે. આ નવી હોસ્પિટલમાં તમામ પ્રકારની સુવિધા રાખવામાં આવશે. અને 200 કરોડના ખર્ચે 7 માળની શારદાબેન હોસ્પિટલ બનાવાશે.
જૂની એલ જી હોસ્પિટલને તોડી નવી ઇમારત બનાવાશે
સરકાર અને એએમસી દ્વારા એક મહત્વનો નિર્ણય લેવામાં આવ્યો છે. શહેરની જનતા તેમજ અન્ય સામાન્ય નાગરિકને દવાખાના માટે સારી સુવિધા ઉપલ્બધ થાય તેને લઈને શહેરની વધુ એક હોસ્પિટલનું નવીનીકરણ કરવામાં આવી રહ્યું છે. ગરીબોના ઈલાજ માટે જાણીતી સરકારી એલ જી હોસ્પિટલને અતિ આધુનિક બનાવવામાં આવશે. જેમાં જૂની એલ જી હોસ્પિટલને તોડી નવી ઇમારત ઊભી કરવામાં આવશે. અંદાજે 100 કરોડના ખર્ચે આ પાછળ કરવામાં આવશે, નવી હોસ્પિટલ 10 માળની હશે જેમાં દર્દીને તમામ સુવિધાઓ જે ખાનગી હોસ્પિટલમાં મોટા ખર્ચે મળે છે તે એલ જી હોસ્પિટલમાં નજીવા ખર્ચે સારી સુવિધા મળશે.
7 માળની શારદાબેન હોસ્પિટલ પણ બનશે
શારદાબેન સાથે એલ જી હોસ્પિટલનું નવીનીકરણ થતા શહેરીજનોને વધુ સુવિધા મળશે, મહત્વનું છે કે 200 કરોડના ખર્ચે 7 માળની શારદાબેન હોસ્પિટલ બનાવવાની જાહેરાત થઈ ચૂકી છે. આગામી દિવસમાં હોસ્પિટલની ડિઝાઇન તૈયાર કરી આખરી ઓપ આપવામાં આવશે જે બાદ ટેન્ડરિંગની તમામ પ્રક્રિયા હાથ ધરવામાં આવશે. બંને હોસ્પિટલને તાબડતોબ ઊભી કરવામાં આવશે જેથી લાંબા સમય માટે દર્દીઓને હાલાકીનો સામનો ન કરવો પડે.