IPLIN
 

VTV Exclusive / કોરોના સામે લડવાની આવી તૈયારી? ગુજરાતની દિગ્ગજ LG હોસ્પિટલનાં ડૉક્ટરો દયનીય સ્થિતિમાં

Team VTV 04:25 PM, 21 Apr 20 | Updated: 07:08 PM, 21 Apr 20
Follow us
LG Hospital 120 doctors Corona positive people contact ahmedabad Gujarat

કોરોના મહામારીએ ગુજરાતમાં પગપેસારો કર્યાને એક મહિનો થયો, કુદકેને ભુસકે વધતાં કેસો આજે 2000ને પાર થઈ ગયા. અને કોરોનાએ તો અમદાવાદ શહેરને જાણે બાનમાં જ લીધું હોય તેમ કાળો કહેર વર્તાવ્યો છે. ત્યારે અમદાવાદની દિગ્ગજ સરકારી LG હોસ્પિટલનાં ડૉક્ટરો-નર્સ અને મેડિકલ સ્ટાફની એવી દયનીય હાલત ઉભી થઈ કે તમને પણ આરોગ્યના ઉચ્ચ અધિકારીઓ અને સરકાર પ્રત્યે ભારે રોષ ઉભો થશે. LG હોસ્પિટલનાં દિગ્ગજ એમ. ડી. ડૉક્ટરે નામ ન જણાવવાની શરતે પોતાના જીવ કેવી રીતે જોખમમાં મુકાયાની વરવી વાસ્તવિકતા VTVGujrati.comને જણાવી છે.

  • કોરોના પોઝિટિવના સંપર્કમાં આવેલાં LGના 120 ડૉક્ટરને ટેસ્ટ કરાવાની તંત્રની ના
  • માત્ર છ દિવસ પહેલાં જ LG હોસ્પિટલમાં N 95 માસ્ક અને PPE કીટ અપાઈ
  • LG હોસ્પિટલનાં 15 ડૉક્ટરો કોરોનાના ભરડામાં 80 કોરોન્ટાઈન, ડ્યુટી પર 40 બચ્યા

LG હોસ્પિટલના ડૉક્ટર જણાવે છે કે; સાહેબ, Save the LG Hospital (LG હોસ્પિટલને બચાવી લો), Save the LG Corona Worriers (LGના કોરોના વોરિયર્સને બચાવો );  ખુબ દુઃખ સાથે કહેવું પડે છે કે આવી મહામારીમાં અમારે દર્દીઓની સેવા કરવાની હોય પણ હાલમાં અમે દયાને પાત્ર બન્યા છીએ. અમદાવાદ મ્યુનિ. કોર્પોરેશનના તાબામાં આવતી LG હોસ્પિટલની હાલની પરિસ્થિતિ વર્ણવતા કહ્યું કે ડૉક્ટરોની હાલત એટલી કફોડી છે કે 15 જેટલાં રેસિડેન્ટ ડૉક્ટરો અને પ્રોફેસરોને કોરોના પોઝિટિવ છે. 80થી વધુ ડૉક્ટરોને કોરોન્ટાઈન કરાયા છે. હવે ડ્યુટી પર માત્ર 40 જેટલાં જ ડૉક્ટરો બચ્યા છે.

આ ઉપરાંત સૌથી મોટી તકલીફ એ છે કે ક્વૉરન્ટાઈન કરાયેલાં કે ડ્યુટી પર હાજર 120 જેટલાં ડૉક્ટરો કોરોના પોઝિટિવના સંપર્કમાં આવ્યા હોવા છતાં સરકારી તંત્ર તેમના ટેસ્ટ કરવવાની ના પાડી રહ્યું છે. જ્યારે અમે ડૉક્ટરોની ટીમે LGના સુપ્રિડેન્ટન્ટને કોરોનાનો ટેસ્ટ કરવાની રજુઆત કરી ત્યારે તેઓને ચોખ્ખા શબ્દોમાં ના પાડી અને પ્રેસર નાંખ્યું કે ચુપચાપ કામ કરો અથવા કોરોન્ટાઈન થઈ જાવ. 

વધુમાં ઉચ્ચ આરોગ્ય અધિકારીઓને ફરિયાદ કરતાં તેમણે સાંભળવાની જ ના પાડી દીધી. આ ઉપરાંત અગાઉથી  AMC દ્વારા હોસ્પિટલમાં કોઈ જ પ્રકારના N95 માસ્ક કે PPE કીટ અપાઈ ન હોતી. અહીં 6 દિવસ પહેલાં જ્યારે ડૉક્ટરોને કોરોનાનો પોઝિટિવ કેસ આવ્યો ત્યાર બાદ તંત્રએ આ સુવિધા ઉપલબ્ધ કરાવી. ત્યાં સુધી માત્ર સાદા માસ્કમાં અમે સેવા આપતાં હતાં.

એક તરફ રૂપાણી સરકાર અને આરોગ્ય સચિવ જયંતી રવિ ગુજરાતમાં કોરોનાની સ્થિતિ સારી છે અને આપણે કોઈ પણ પરિસ્થિતિમાં પહોંચી વળીશું એવી વાતો કરે છે ત્યારે LG હોસ્પિટલના ડૉક્ટરોની આ અગવડતાં કોણ સાંભળશે. આ ઉપરાંત LG હોસ્પિટલનો નર્સિંગ સ્ટાફ, મેડિકલ સ્ટાફ અને સફાઈ કર્મીઓ પણ ભારે પરેશાન છે. 

ગઈકાલે જ મેડિકલ સ્ટાફ અને સફાઈકર્મીઓ દ્વારા માસ્ક અને સેફ્ટી સાધનો ન આપતાં હોવાથી હડતાળ કરાઈ હતી. જ્યારે આજે નર્સિંગ સ્ટાફ દ્વારા વીડિયો જાહેર કરી પોતાને પડતી અગવડતાંઓ અને ટેસ્ટ ન કરવા દેવાની માહિતી મીડિયા સમક્ષ આવી છે. શું આવી રીતે ગુજરાત કોરોનાથી જીતશે ?

 

માત્ર 6 દિવસમાં કોરોના વોરિયર્સ એવાં LGના 15 ડૉક્ટર કોરોના પોઝિટિવ

  • 16 એપ્રિલઃ 2 રેસિડેન્ટ ડૉક્ટર , 1 આસિ. પ્રોફેસર
  • 17 એપ્રિલઃ 4 આસિ. પ્રોફેસર
  • 18 એપ્રિલઃ 2 રેસિડેન્ટ ડૉક્ટર
  • 19 એપ્રિલઃ1 રેસિડેન્ટ ડૉક્ટર  
  • 20 એપ્રિલઃ 1 આસિ. પ્રોફેસર અને ડૉક્ટર
  • 21 એપ્રિલઃ 2 આસિ. પ્રોફેસર, 2 રેસિડેન્ટ ડૉક્ટર

આલેખનઃ ધવલ માકડિયા

Ahmedabad news gujarat Coronavirus અમદાવાદ ગુજરાત કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ