ઉત્તરપ્રદેશ / લેવાના હોટલ અગ્નિકાંડ: યોગી સરકાર ફાયર મોડમાં, 17 અધિકારીઓને કર્યા સસ્પેન્ડ

• લખનૌની લેવાના હોટલ આગ કેસની તપાસ રિપોર્ટ મળ્યા બાદ યોગી સરકારની મોટી કાર્યવાહી 
• સરકારે 17 અધિકારીઓ સામે સસ્પેન્ડ અને વિભાગીય કાર્યવાહીના આદેશ આપ્યા 
• LDA અને ફાયર અધિકારીઓને ગેરકાયદે બાંધકામ-સલામતીના ધોરણોની અવગણનાને કારણે લાગી હતી આગ 

લખનૌની લેવાના હોટલ આગ કેસની તપાસ રિપોર્ટ મળ્યા બાદ યોગી સરકારે દોષિત અધિકારીઓ સામે મોટી કાર્યવાહી કરી છે. વાત જાણે એમ છે કે, સરકારને સુપરત કરાયેલા તપાસ રિપોર્ટમાં 6 વિભાગના 19 અધિકારીઓને સીધા જવાબદાર ગણવામાં આવ્યા છે. લખનૌ ડેવલપમેન્ટ ઓથોરિટી (LDA) અને ફાયર અધિકારીઓને ગેરકાયદે બાંધકામ અને સલામતીના ધોરણોની અવગણનાને કારણે Levana હોટેલમાં લાગેલી આગની ઘટના માટે દોષી ઠેરવવામાં આવ્યા હતા. જે બાદ સરકારે ઘણા વરિષ્ઠ અધિકારીઓને સસ્પેન્ડ કરી દીધા છે.

લખનૌ પોલીસ કમિશનર એસબી શિરોડકર અને કમિશનર રોશન જેકબના રિપોર્ટ બાદ સરકારે આ કાર્યવાહી કરી છે. 19 દોષિત અધિકારીઓમાંથી 2 નિવૃત્ત થયા છે. જેમની સામે નિયમાનુસાર કાર્યવાહી કરવાનો આદેશ કરાયો છે. આ સાથે સરકારે 17 અધિકારીઓ સામે સસ્પેન્ડ અને વિભાગીય કાર્યવાહીના આદેશ આપ્યા છે. જેમાં સીએફઓ, તત્કાલીન આબકારી અધિકારી, તત્કાલીન પ્રિસ્ક્રાઇબ્ડ ઓફિસર સહિત અનેક અધિકારીઓનો સમાવેશ થાય છે. સરકારે લખનૌના વર્તમાન સીએફઓ વિજય કુમાર સિંહ અને ફાયર ઓફિસર યોગેન્દ્ર પ્રસાદને પણ સસ્પેન્ડ કરી દીધા છે.  

Uttar Pradesh CM Yogi Adityanath directs strict action against the officials who were prima facie irregular and negligent in the incident of fire at Hotel Levana in Lucknow. pic.twitter.com/mt2EprS0kZ

— ANI UP/Uttarakhand (@ANINewsUP) September 11, 2022

આ સાથે વિદ્યુત વિભાગના ત્રણ અધિકારીઓ - સહાયક નિયામક ઇલેક્ટ્રિકલ સેફ્ટી વિજય કુમાર રાવ, અન્ડર એન્જિનિયર આશિષ મિશ્રા, સબ ડિવિઝનલ ઓફિસર રાજેશ મિશ્રાને સસ્પેન્ડ કરવામાં આવ્યા છે. એલડીએમાં તત્કાલીન નિર્ધારિત અધિકારી મહેન્દ્ર કુમાર મિશ્રાને સસ્પેન્ડ કરવામાં આવ્યા છે. બીજી તરફ હોટલના બાંધકામ સમયે એચડીમાં પોસ્ટ કરાયેલા 7 એન્જિનિયરોને પણ સસ્પેન્ડ કરવામાં આવ્યા હતા. સાથે જ નિવૃત્ત એન્જિનિયર ગણેશ દત્ત સિંહ સામે કાર્યવાહીના આદેશ આપવામાં આવ્યા છે.

એલડીએમાં તૈનાત તત્કાલિન કાર્યપાલક ઇજનેર અરુણ કુમાર સિંહ, ઓમ પ્રકાશ મિશ્રા, સહાયક ઇજનેર રાકેશ મોહન, જુનિયર ઇજનેર જિતેન્દ્ર નાથ દુબે, રવિન્દ્ર કુમાર શ્રીવાસ્તવ અને જયવીર સિંહને પણ સસ્પેન્ડ કરવામાં આવ્યા છે. એલડીએના સાથી રામ પ્રતાપને પણ સસ્પેન્ડ કરવામાં આવ્યા છે. આ ઉપરાંત આબકારી વિભાગના ત્રણ અધિકારીઓને પણ સસ્પેન્ડ કરવામાં આવ્યા છે. જેમાં તત્કાલિન આબકારી અધિકારી સંતોષ તિવારી, આબકારી નિરીક્ષક અમિત શ્રીવાસ્તવ અને નાયબ આબકારી કમિશનર જૈનેન્દ્ર ઉપાધ્યાયનો સમાવેશ થાય છે.

શું હતી સમગ્ર ઘટના  ? 

તાજેતરમાં ઉત્તર પ્રદેશની રાજધાની લખનૌની એક હોટલમાં આગ લાગી હતી. આ અકસ્માતમાં 4 લોકોના મોત, 10 લોકો ઘાયલ થયા હતા. લખનૌ ડેવલપમેન્ટ ઓથોરિટીએ થોડા દિવસો પહેલા હોટલ લેવાનાને પણ નોટિસ પાઠવી હતી. અકસ્માત બાદ સીએમ યોગીએ આગની ઘટનાની તપાસ માટે સંયુક્ત ટીમની જાહેરાત કરી હતી. આમાં ડિવિઝનલ કમિશનર અને પોલીસ કમિશનરની સંયુક્ત ટીમ હતી. પ્રાથમિક તબક્કે આગનું કારણ શોર્ટ સર્કિટ હોવાનું કહેવાય છે.