નિવેદન / 'ફટાફટ પેટ્રોલની ટાંકી ફૂલ કરાવી લેજો', દિગ્ગજ નેતાના ટ્વિટે લોકોને દોડતા કર્યાં,પંપ પર પડાપડી

• 10 માર્ચ બાદ દેશમાં વધી શકે પેટ્રોલ-ડીઝલના ભાવ
• રાહુલ ગાંધીનું ટ્વિટ-ફટાફટ પેટ્રોલની ટાંકી ફૂલ કરાવી લેજો
• રાહુલના નિવેદન બાદ લોકો પેટ્રોલ પંપ પર પડાપડી કરી

કોંગ્રેસ નેતા રાહુલ ગાંધીનું એક ટ્વિટ લોકોને સાચું લાગ્યું છે. રાહુલ ગાંધીએ ટ્વિટ કર્યું કે ફટાફટ પેટ્રોલની ટાંકી ફૂલ કરાવી લેજો કારણ કે મોદી સરકારની ચૂંટણી ઓફર પૂરી થઈ રહી છે. રાહુલ તેમના ટ્વિટમાં પેટ્રોલ પંપની તસવીર પણ ટ્વિટ કરીને ભાવ વધશે તેવો સંકેત આપ્યો છે. 

फटाफट Petrol टैंक फुल करवा लीजिए।

मोदी सरकार का ‘चुनावी’ offer ख़त्म होने जा रहा है। pic.twitter.com/Y8oiFvCJTU

— Rahul Gandhi (@RahulGandhi) March 5, 2022

રાહુલની વાત લોકોને સાચી લાગી,બુલંદશહેરના લોકોએ પેટ્રોલ પંપ પર લગાવી લાઈન
યુપીના બુલંદશહેરના શિકારપુર એરિયામાં પેટ્રોલ પંપો પર લોકોની ભારે ભીડ જામી છે. આ વિસ્તારમાં પેટ્રોલ પંપો પર ખેડૂતોની લાંબી લાંબી લાઈનો જોવા મળી રહી છે. 

ડ્રમ લઈને પેટ્રોલ-ડીઝલ લેવા પહોંચ્યા ખેડૂત
ખેડૂતો ટ્રેક્ટર અને ટ્રોલી લઈને 200થી 700 લીટર ડીઝલ ખરીદી રહ્યાં છે જેને કારણે પેટ્રોલ પંપ પર પગ મૂકવાની જગ્યા ન રહી હતી. લોકોને તો બસ વધારેમાં વધારે ડીઝલ લઈ લેવું છે જેથી કરીને આકરા ભાવવધારાથી બચી શકાય. પાંચ રાજ્યોની ચૂંટણી પરિણામો બાદ અને રશિયા યુક્રેન યુદ્ધની વચ્ચે તેલના ભાવમાં 12થી 15 રુપિયાના વધારાની ચર્ચા ચાલી રહી છે. 

10 માર્ચ બાદ પેટ્રોલ-ડીઝલના ભાવમાં 12થી 15 રુપિયાનો વધારાની ચર્ચા
ઉલ્લેખનીય છે કે 10  માર્ચે પાંચ રાજ્યોની વિધાનસભાની ચૂંટણીના પરિણામ બાદ પેટ્રોલ-ડીઝલના ભાવમાં 12થી 15 રુપિયાના વધારાની ચર્ચા ચાલી રહી છે. 

ક્રૂડ ઓઈલ 14 વર્ષના ઉચ્ચતમ સ્તર પર

4 નવેમ્બરથી ડીઝલ અને પેટ્રોલના ભાવમાં વધારો કરવામાં આવ્યો નથી. ત્યારે ઘણી જગ્યાએ ડીઝલ અને પેટ્રોલ બંને 100 રૂપિયા પ્રતિ લીટરને પાર કરી ગયા હતા. આ પછી સરકારે સેન્ટ્રલ એક્સાઈઝમાં કાપ મૂક્યો હતો. જ્યારે નવેમ્બરમાં એક્સાઇઝમાં કાપ મૂકવામાં આવ્યો હતો, ત્યારે ક્રૂડ ઓઇલ 82 ડોલર પ્રતિ બેરલની આસપાસ હતું. વર્ષ 2008થી અત્યાર સુધી ક્રૂડ ઓઇલ વૈશ્વિક બજારની ઊંચી સપાટીએ પહોંચી ગયું છે. બ્રેન્ટ ક્રૂડ હવે 140 ડોલર પ્રતિ બેરલની નજીક પહોંચી ગયું છે. આ રીતે તે 60 ટકાથી વધુ વધી ગયો છે. આ કારણે ડીઝલ અને પેટ્રોલના ભાવમાં વધારો લગભગ નક્કી છે.