ભારતીય-અમેરિકીઓને સંબોધતા ટ્રમ્પે કહ્યું કે જો તેઓ 2024માં રાષ્ટ્રપતિની ચૂંટણી જીતશે તો તેઓ ભારત સાથે અમેરિકાના સંબંધોને આગલા સ્તર પર લઈ જશે.
ભારત સાથેના અમેરિકાના સંબંધોને આગલા સ્તર લઈ જઈશ - ટ્રમ્પ
શલભ કુમાર બની શકે છે રાજદૂત
ભારતીય અમેરિકી સમુદાય પ્રતિ હશે ખાસ પ્રતિબદ્ધતા
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ભારત અને અમેરિકાના સંબંધોને લઈને કહ્યું કે જો તેઓ 2024માં રાષ્ટ્રપતિની ચૂંટણી જીતી જશે તો ભારત સાથેના અમેરિકાના સંબંધોને આગલા સ્તર પર સુધી લઈ જશે.
Wonderful to be with President Trump at Mar-a-Lago tonight to celebrate Diwali! As we celebrate this Diwali, we will always fight for light over darkness, good over evil, knowledge over if ignorance. pic.twitter.com/UYLajo7UyO
ફ્લોરિડામાં તેમના માર-એ-લાગો રિસોર્ટમાં રિપબ્લિકન હિંદુ ગઠબંધન (RHC) દ્વારા આયોજિત દિવાળીના કાર્યક્રમમાં હાજરી આપતા લગભગ 200 ભારતીય-અમેરિકીઓને સંબોધતા ટ્રમ્પે કહ્યું હતું કે તેમના હિંદુ સમુદાય, ભારત અને પ્રધાનમંત્રી નરેન્દ્ર મોદી સાથે ખૂબ સારા સંબંધો છે.
શલભ કુમાર બની શકે છે રાજદૂત
ડોનાલ્ડ ટ્રમ્પે દિવાળીના કાર્યક્રમમાં સભાને સંબોધતા કહ્યું હતું કે જો તેઓ 2024માં અમેરિકાના રાષ્ટ્રપતિ તરીકે ચૂંટાઈ આવશે તો તેઓ RHCના સંસ્થાપક શલભ કુમારને ભારતમાં તેમના રાજદૂત તરીકે નોમિનેટ કરશે.
ભારતીય અમેરિકી સમુદાય પ્રતિ હશે ખાસ પ્રતિબદ્ધતા
RHCએ ગયા શુક્રવારે દિવાળીના કાર્યક્રમમાં ટ્રમ્પ દ્વારા આપવામાં આવેલ ભાષણનો વીડિયો મંગળવારે જાહેર કર્યો હતો. આયોજિત કરેલ કાર્યક્રમમાં પૂર્વ રાષ્ટ્રપતિએ કહ્યું હતું કે,તેમણે હજુ સુધી જાહેરાત કરી નથી કે તેઓ રાષ્ટ્રપતિની ચૂંટણી લડશે કે નહીં પણ જો તેઓ 2024માં ચૂંટણી લડશે અને જીતશે તો ભારતીય-અમેરિકન સમુદાયના સંબંધોને વધુ મજબૂતી પ્રદાન કરશે અને એમના પ્રતી એમની ખાસ પ્રતિબદ્ધતાઓ હશે.
હિંદુ સ્મારકના સમર્થક છે ટ્રમ્પ
અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પે કહ્યું હતું કે 2016 અને 2020 બંનેમાં વખત એમને હિંદુઓ તરફથી ઘણું સમર્થન મળ્યું હતું અને ભારત એમજ ત્યાંના લોકોનું પણ સમર્થન મળ્યું હતું. એટલા માટે જ મને ભારતીય અમેરિકન સમુદાયમાં વિશેષ રસ છે. ટ્રમ્પે કહ્યું હતું કે તેઓ વોશિંગ્ટન ડીસીમાં હિન્દુ હોલોકોસ્ટ સ્મારક બનાવવાના વિચારને સંપૂર્ણ સમર્થન આપે છે અને આ સાથે એમને લોકોને વચન આપ્યું હતું કે જો તેઓ 2024માં રાષ્ટ્રપતિની ચૂંટણી જીતશે તો તેઓ ભારત સાથે અમેરિકાના સંબંધોને આગલા સ્તર પર લઈ જશે.
શું કહ્યું શલભ કુમારે..
શલભ કુમારે ડોનાલ્ડ ટ્રમ્પના નિવેદન બાદ કહ્યું હતું કે ટ્રમ્પ હિંદુ સમુદાયના સાચા મિત્ર રહ્યા છે અને RHCને અમેરિકામાં આ સમુદાયને સશક્ત કરવામાં ટ્રમ્પનું ઘણું યોગદાન રહ્યું છે. છેલ્લા કેટલાક વર્ષોમાં મળેલી સિદ્ધિઓ પર અમને ગર્વ છે.