'કાકા' તરીકે જાણીતા બોલિવૂડના દિગ્ગજ અભિનેતા રાજેશ ખન્ના એક સમયે યુવતીઓના દિલ પર રાજ કરતા હતા. સુપરસ્ટાર રાજેશ ખન્ના પાછળ યુવતીઓ એવી પાગલ હતી, કે તેઓ જ્યાંથી નીકળતા ત્યારે તેની તેમના પગની ધૂળ સેથામાં ભરી લેતી હતી, પરંતુ કાકા તેમની ફિમેલ ફેન ફોલોઇંગ ઉપરાંત ડિમ્પલ કાપડિયા સાથેની લવ લાઇફને કારણે પણ હંમેશા ચર્ચામાં રહેતા હતા. ચાલો આજે કાકાના જન્મદિવસ પર તેમના જીવન વિશેની કેટલીક રસપ્રદ વાતો જણીએ.
યુવતીઓના દિલ પર રાજ કરતા હતા રાજેશ ખન્ના
બોલિવૂડના પહેલાં સુપરસ્ટાર બન્યા હતા કાકા
તેમની લવ લાઈફને લઈને રહેતા હતા ચર્ચામાં
રાજેશ ખન્નાની પત્ની અને અભિનેત્રી ડિમ્પલ કાપડિયા તેમનાથી 16 વર્ષ નાની છે. બંને વચ્ચે આટલો એજ ગેપ હોવાને કારણે લગ્ન પહેલાં બંનેનો પ્રેમ સંબંધ ઘણો ચર્ચામાં રહ્યો હતો. કાકા ઉર્ફે રાજેશ ખન્નાનો જન્મ 29 ડિસેમ્બર 1942ના રોજ અમૃતસરમાં થયો હતો. આ દિવસ સાથે જોડાયેલી બીજી ખાસ વાત એ છે કે તેમની પુત્રી ટ્વિંકલ ખન્નાનો જન્મ પણ 29મી ડિસેમ્બરના રોજ થયો હતો.
રાજેશ ખન્ના નહીં, આ છે તેમનું અસલી નામ
કાકાને ફિલ્મફેર દ્વારા ઓર્ગેનિક ટેલેન્ટ હન્ટ દ્વારા ફિલ્મો માટે પસંદ કરવામાં આવ્યા હતા. કેટલાક અહેવાલો અનુસાર, તેમનું અસલી નામ જતિન ખન્ના છે, પરંતુ કાકાની સલાહ પર તેમણે ફિલ્મોમાં આવતા પહેલા પોતાનું નામ બદલીને રાજેશ ખન્ના રાખ્યું હતું. કાકા બોલિવૂડના પહેલા એવા એક્ટર હતા જેમને સુપરસ્ટારનું બિરુદ આપવામાં આવ્યું હતું. 'આરાધના' ફિલ્મ પછી તેઓ સફળતાની ટોચે પહોંચી ગયા.
કાકાએ અભિનેત્રી અંજુ મહેન્દ્રુને સાત વર્ષ સુધી ડેટ કરી હતી, પરંતુ આગળ જતાં બંનેનું બ્રેકઅપ થઈ ગયું હતું. આ પછી કાકા ડિમ્પલ કાપડિયાને મળ્યા, જે તે સમયે તેમના કરતા 16 વર્ષ નાની હતી. બંને એકબીજાની નજીક આવ્યા અને બંનએ માર્ચ 1973માં લગ્ન કરી લીધા. તેના થોડાં સમય પછી નવેમ્બરમાં ડિંપલે ફિલ્મ બોબીથી બોલિવૂડમાં ડેબ્યૂ કર્યું હતું. રાજેશ ખન્ના અને ડિંપલે લાંબા સમય સુધી એકબીજાનો સાથ આપ્યો પણ 1984માં બંને અલગ થઈ ગયા.
જૂન 2012માં રાજેશ ખન્નાની તબિયત બગડવાના સમાચાર આવવા લાગ્યા. મહિનાઓ સુધી સારવાર બાદ રાજેશ ખન્નાએ 18 જુલાઈ, 2012ના રોજ અંતિમ શ્વાસ લીધા હતા. તેમના બંગલામાં જ તેઓ મૃત્યુ પામ્યા હતા.