ભયનો માહોલ / ઈડરની ભેખડો વચ્ચે આરામ કરતાં જોવા મળ્યા દીપડો-ડીપડી: ડ્રોનમાં કેદ થયા દ્રશ્યો, લોકોમાં ફફડાટ

• ઈડરના ડુંગરોમાં ફરી એકવાર દેખાયો દીપડાનો પરિવાર
• દીપડો-દીપડી જોવા મળતા વન વિભાગ હરકતમાં
• રહેણાંક વિસ્તારમાં દીપડાનો પરિવાર દેખાતા લોકોમાં ફફડાટ

 ઈડરના ડુંગરોમાં ફરી એકવાર દીપડાનો પરિવાર દેખાતા સમગ્ર વિસ્તારમાં  ભયના માહોલ છવાઈ જવા પામ્યો છે. ત્યારે દીપડો-દીપડી જોવા મળતા વન વિભાગ તાબડતોબ ઘટના સ્થળે પહોચ્યું હતું.  ડુંગરપર વિસ્તારમાં દીપડો દેખાતા વન વિભાગ દ્વારા ડ્રોન દ્વારા તપાસ હાથ ધરતા દીપડો ડ્રોન વીડિયોમાં દેખાવા પામ્યો હતો. 

વહેલી સવારે દીપડાનો પરિવાર જોવા મળતા લોકોમાં ભયનો માહોલ
ઈડરના ડુંગરોમાં અવાર નવાર દીપડો દેખાવાના બનાવો બનતા હોય છે.  ત્યારે આજે વહેલી સવારે ઈડરના ડુંગરોમાં ફરી એકવાર દીપડાનો પરિવાર જોવા મળતા લોકોમાં ભયના માહોલ છવાઈ જવા પામ્યો હતો. વહેલી સવારે દીપડો-દીપડી જોવા મળતા વન વિભાગ હરકમાં આવી જવા પામ્યો હતો. વન વિભાગ દ્વારા ડ્રોનનાં માધ્યમથી દીપડાની શોધખોળ હાથ ધરતા દીપડો ડ્રોન વીડિયોમાં જોવા મળ્યો હતો. ત્યારે ભીલોડા ત્રણ રસ્તાઓ પાસેના ડુંગરમાં સવારના સમયે એકા એક દીપડાનો પરિવાર દેખાતા લોકોમાં નાસભાગ મચી જવા પામી હતી. રહેણાંક વિસ્તારમાં અચાનક વન્ય પ્રાણી દીપડાનો પરિવાર દેખાતા લોકોમાં ફફડાટ વ્યાપી જવા પામ્યો હતો અને આ બાબતે વન વિભાગને જાણ કરી હતી.

જંગલોમાંથી વન્ય પ્રાણીઓ ગાંધીનગર સુધી પહોંચી જતા હોય છે
અવાર નવાર સાબરકાંઠાના જંગલોમાંથી વન્ય પ્રાણીઓ ગાંધીનગર સુધી પહોંચી જતા હોય છે. થોડા સમય અગાઉ અક્ષર ધામ પાસે દીપડો દેખાયો હોવાની ચર્ચાએ જોર પકડ્યું હતું. ત્યારે વન વિભાગ દ્વારા દીપડાની શોધખોળ હાથ ધરી હતી તો તે બાદ સચિવાલયમાં પણ દીપડો દેખાયો હોવાની ચર્ચાએ જોર પકડ્યું હતું.