ખુશખબર / ડાંગમાં 20 કરોડના ખર્ચે 32 હેકટરમાં બનશે લેપર્ડ સફારી પાર્ક, એપ્રિલ મહિનાથી શરૂ થશે કામગીરી

• દીપડાઓનું નવું મુકામ બનશે ડાંગ
• ફોરેસ્ટ વિભાગે ટેન્ડર બહાર પાડી સોંપી કામગીરી
• રેસ્ક્યું કરાયેલા દીપડાઓને પણ રાખવામાં આવશે

રાજ્યના ડાંગ જિલ્લામાં 32 હેકટરમાં લેપર્ડ સફારી પાર્ક બનશે. આ પાર્ક માટે અંદાજિત 20 કરોડનો ખર્ચે કરવામાં આવશે. આ પાર્કમાં રેસ્ક્યું કરાયેલા દીપડા અહીં લાવવામાં આવશે. 

લેપર્ડ સફારી પાર્કમાં શું હશે?

ડાંગ જિલ્લામાં બનાવામાં આવી રહેલા લેપર્ડ સફારી પાર્કમાં ફરતે ચાર વોચ ટાવર, પાર્કિંગ, મેનગેટ, ડબલ એન્ટ્રી ગેટ, વેટ કાર યુનિટ, ટૂરિસ્ટ એરિયા, રેસ્ક્યું સેન્ટર, ફેમિલી ફુડ સ્ટોર, ઓફિસ  બિલ્ડીંગ, રિસેપ્શન જેવી સુવિધા ઉભી કરવામાં આવશે. 
 

આ લેપર્ડ સફારી પાર્ક અને રેસ્ક્યું સેન્ટરની કામગીરી માટે કેન્દ્ર સરકાર અને ગુજરાત સરકાર દ્વારા મંજૂરી આપી દેવામાં આવી છે. ઉલ્લેખનીય છે કે જે રીતે ગીરમાં સિંહો માટે વાતાવરણ અનુકૂળ છે તેવી જ રીતે રાજ્યના દક્ષિણમાં આવેલ ડાંગના જંગ અને વાતાવરણ દીપડાઓ માટે ખૂબ અનુકૂળ છે. 

આમ જો ડાંગ જિલ્લામાં લેપર્ડ સફારી પાર્ક બને તો જેરીતે ગીરમાં સિંહ જોવા મોટા પ્રમાણમાં પ્રવાસીઓ જાય છે તેવી જ રીતે આગામી સમયમાં ડાંગમાં પ્રવાસીઓ ઉમટી પડશે. ઉલ્લેખનીય છે કે ડાંગમાં ગીરા ધોધ, બોટાનિકલ ગાર્ડન, નેશનલ પાર્ક, સાપુતાર, ડોન, શબરીધામ, અંજનીકૂડ જેવા અલગ-અલગ રમણીય સ્થળો આવેલાં છે.