વલસાડ જિલ્લાના છેવાડાના પહાડી જંગલ વિસ્તારોમાં દીપડાએ આતંક મચાવ્યો છે. ખૂંખાર દીપડો હવે શહેરી અને રહેણાંક વિસ્તારોમાં પણ ઘુસી જાય છે. ખોરાકની શોધમાં માનવ વસ્તી સુધી પહોંચી જતાં દીપડાના કારણે લોકોમાં પણ ભયનો માહોલ ફેલાઈ ગયો છે.
ત્યારે ઉમરગામ તાલુકાના કનાડુ ગામમાં એક દીપડાએ પાલતુ શ્વાનનો શિકાર કર્યો હતો.આ સમગ્ર ઘટના CCTV કેમેરામાં કેદ થઈ ગઈ છે. દીપડો પગ દબાવીને શિકારની શોધમાં ઘરમાં પ્રવેશે છે.
અને ઘરના આંગણામાં ઘરની ચોકી કરતા પાલતુ શ્વાનને ગણતરીની સેકન્ડમાં ઉઠાવીને જતો રહે છે. રાતના અંધકારમાં દીપડો ગામના સીમાડા ઓળંગીને ગામના ફળીયા સુધી પહોંચતો થઈ ગયો છે. જેના કારણે ગ્રામજનો પણ ભયભીત થઈ ગયા છે.
પ્રાણીઓ ખોરાકની શોધમાં હવે માનવ વસ્તી સુધી પહોંચી જાય છે જેના કારણે આસપાસના રહેણાંક વિસ્તારના લોકોમાં ભયનો માહોલ જોવા મળે છે.