Lenovo નો ચાર કેમેરાવાળો ફોન S5 Pro લોન્ચ જાણો કિંમત અને ફિચર્સ

ઘણા સમયથી જેની તમે વાટ જોતા હતા તે  ફોન હવે આવી ગયો છે. Lenovo S5 Proને અધિકૃત રીતે ચીનમાં લોન્ચ કરવામાં આવ્યો છે. આ ફોન માર્ચમાં લોન્ચ થયેલા S5નું જ અપગ્રેડેડ વર્ઝન છે. 

Lenovo S5 Proપ્રોના કિંમત 6GB રેમ અને 64GB સ્ટોરેજ વેરિયન્ટ માટે CNY 1 298 (લગભગ 13 700 રૂપિયા) રાખવામાં આવી છે. જો કે હજુ સુધી તેના 128GB વેરિયન્ટનો ખુલાસો થયો નથી. 

ચીનમાં તેનું વેચાણ 23 ઓક્ટોબરથી બ્લેક બ્લુ અને ગોલ્ડ રંગના ઓપ્શનમાં થશે. ડ્યુઅલ-સિમ (નેનો) સપોર્ટ સાથે Lenovo S5 Pro એન્ડ્રોઇડ ઓરિયો બેઝ્ડ ZUI 5.0 પર ચાલે છે. તેમાં 18.7: 9 રેશિયો સાથે 6.18-ઇંચ ફૂલ એચડી+ (1080x2246 પિક્સલ) ડિસ્પ્લે આપવામાં આવ્યું છે. 

આ સ્માર્ટફોનમાં Aderno 509 GPU અને 6GB રેમ સાથે ઓક્ટા-કોર ક્વોલકોમ સ્નેપડ્રેગન 636 પ્રોસેસર છે. આ સ્માર્ટફોનના ફોટોગ્રાફી સેક્શનની વાત કરીએ તો તેમાં રીઅર ડ્યુઅલ કેમેરા સેટઅપ છે. 

તેનો પ્રાઇમરી કેમેરા 20 મેગાપિક્સલનો અને સેકન્ડરી કેમેરા 12 મેગાપિક્સલનો છે. બીજી બાજુ તેના ફ્રન્ટ કેમેરાની વાત કરીએ તો અહીં પણ સેલ્ફી માટે 20 મેગાપિક્સલ અને 8 મેગાપિક્સલનાં બે કેમેરા આપવામાં આવ્યા છે. તેનો રીઅર કેમેરા ઓપ્ટિકલ ઝૂમને સપોર્ટ કરે છે.

સાથે તેમાં AI બેઝ્ડ ફિચર પણ હાજર છે. લેનોવોના આ સ્માર્ટફોનમાં 64GB અને 128GB ઇન્ટરનલ મેમરી આપવામાં આવી છે જેને કાર્ડની મદદથી 128GB સુધી વધારી શકાય છે. 

કનેક્ટિવિટીના સંદર્ભમાં 4G VoLTE Wi-Fi 802.11ac બ્લુટૂથ v5.0 GPS/ A-GPS USB ટાઇપ-સી અને એક 3.5mm હેડફોન જેકનો સપોર્ટ છે. આ સ્માર્ટફોનની બેટરી 3 500mAhની છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...