લેનોવોએ ભારતમાં બે શાનદાર સ્માર્ટફોન Lenovo K9 અને Lenovo A5 લૉન્ચ કરી દીધાં છે. બંને ફોનની લૉન્ચિંગ દિલ્હી ખાતે આયોજિત એક ઇવેન્ટમાં કરવામાં આવી. Lenovo K9 લેનોવોનો પૉપ્યુલર સ્માર્ટફોન Lenovo k8નો અપગ્રેડેડ વેરિયન્ટ છે. તો બીજી તરફ Lenovo A5ની વાત કરવામા આવે તો તેને જૂનમાં ચીનમાં લોન્ચ કરવામાં આવ્યો છે જેની સૌથી મોટી ખાસિયત છે તેમાં આવેલી 4 000mAhની બેટરી.
Lenovo K9ની કિંમત ભારતમાં 8999 રૂપિયા રાખવામાં આવી છે અને ગ્રાહકોને આ સ્માર્ટફોન બ્લેક અને બ્લૂ કલર ઑપ્શમના મલશે. તો બીજી તરફ Lenovo A5 ની વાત કરવામાં આવે તો તેમાં 2GB RAM+ 16GB સ્ટોરેજ અને 3GB RAM + 32GB સ્ટોરેજ ઑપ્શનમાં લોન્ચ કર્યો હતો. જેની કિંમત ક્રમશ: 5999 અને 6999 રૂપિયા રાખવામાં આવી છે. આ બંને સ્માર્ટફોનનું વેચાણ ફ્લિપકાર્ટની મદદથી થશે.
Lenovo K9ના સ્પેસિફિકેશન્સ:
Lenovo K9ના ફિચર્સની વાત કરીએ તો તેમાં ડ્યુઅલ સિમ સપોર્ટ 5.7 ઇંચની HD+ ડિસ્પ્લે છે. આ ઉપરાંત 2.0GHz મીડિયાટેક MT6762 ઑક્ટાકોર પ્રોસેસર 3જીબી રેમ તથા 32 GB સ્ટોરેજ મળશે જેને 128 GB સુધી એક્સપાન્ડ કરી શકાશે.
ફોનના કેમેરાની વાત કરીએ તો તેમાં ડ્યુઅલ રિયર કેમેરા છે જેમાં એક કેમેરા 13 મેગાપિક્સલ અને બીજો 5 મેગાપિક્સલનો છે. ફ્રન્ટ કેમેરામાં પણ 13+5નું ડ્યુઅલ કેમેરા સેટઅપ છે. રિયર અને ફ્રન્ટ કેમેરા સાથે LED ફ્લેશ લાઇટ મળશે. ફોનમાં 3000 mAhની બેટરી છે. સાથે જ આ ફોનમાં ફિંગરપ્રિન્ટ સેન્સર પણ આપવામાં આવ્યું છે.
Lenovo A5ના સ્પેસિફિકેશન્સ:
આ ફોનમાં ડ્યુઅલ સિમ સપોર્ટ 5.45 ઇંચની એચડી પ્લસ ડિસ્પ્લે છે. આ ઉપરાંત મીડિયાટેક MT6739 ક્વૉડકોર પ્રોસેસર 2/3GB RAM તથા 16/32 GB સ્ટોરેજ મળશે જેને 128 GB સુધી એક્સપાન્ડ કરી શકાશે.
ફોનના કેમેરાની વાત કરીએ તો તેમાં રિયર કેમેરા 13 મેગાપિક્સલ અને ફ્રન્ટ કેમેરા 5 મેગાપિક્સલનો છે. ફોનમાં 4000 mAhની બેટરી છે. સાથે જ આ ફોનમાં ફિંગરપ્રિન્ટ સેન્સર પણ આપવામાં આવ્યું છે.