ભાવ આસમાને પહોંચતા દેશમાં હવે લીંબુ ચોરીની ઘટનાઓ વધી રહી છે.
દેશમાં લીંબુના ભાવ પહોંચ્યાં 250 રુપિયે કિલો
દેશમાં લીંબુ ચોરીની વધી ઘટનાઓ
હવે કાનપુરના બગીચામાંથી કોઈ 15,000 લીંબુ ચોરી ગયું
આ પહેલા યુપીમાંથી કોઈ 50 કિલો લીંબુ ચોરી ગયું હતું
હાલ લીંબુના ભાવ આસમાને છે અને લોકોને હવે પૈસા કે દાગીનાની ચોરીમાં નહીં પરંતુ લીંબુની ચોરીમાં રસ પડ્યો છે. યુપીમાં તો લીંબુના ભાવ 300 રુપિયે પ્રતિ કિલોએ પહોંચ્યાં છે. લોકોએ હવે લીંબુની ચોરી કરવા લાગ્યા છે. યુપીમાં લીંબુની ચોરીની બીજી ઘટના બની છે. કાનપુરના એક વ્યક્તિની વાડીમાંથી 15,000 લીબું ચોરી જતા હાહાકાર મચ્યો છે.
2000 વીઘા વાડીમાંથી કોઈક ચોરી ગયું 15000 લીંબુ
કાનપુરની આજુબાજુના ચોબેપુર, બિટૂર કટરી, મંધનામાં લગભગ 2000 વીઘા જમીન પર નીબું ઉગાડવામાં આવ્યાં છે. પહેલી વાર લીંબુના બગીચાની ચોકી કરવી પડે તેવી સ્થિતિ આવી છે. હકીકતમાં લીંબુના ભાવ 250 રુપિયા પ્રતિ કિલોએ પહોંચતા લૂંટ શરુ થઈ ગઈ છે. કટરીના બિઠુરમાં ચોર બગીચામાંથી 15 હજાર લીંબુ ચોરીને લઈ ગયા છે.
બગીચાની ચોકી માટે ચોકીદાર મૂકવા પડ્યાં
બગીચાના કેર ટેકર રાજેન્દ્ર પાલના જણાવ્યાનુસાર અમારા બગીચામાંથી લીંબુની ચોરી થતા અમારે ચોકીદાર મૂકવા પડ્યાં છે. પહેલી વાર લોકો લીંબુ ચોરવા લાગ્યા છે. અમારા બગીચામાંથી કોઈ 15000 લીંબુ ચોરી ગયા છે.
દેશમાં લીંબુ ચોરીની ઘટનાઓ વધવા લાગી
દેશમાં હવે લીંબુ ચોરીની ઘટનાઓ વધવા લાગી છે. જ્યારથી લીંબુનો ભાવ એક કીલોના 250 રુપિયા થયો છે ત્યારથી ચોર રુપિયા કે પૈસા નહીં પરંતુ લીંબુ પર નજર બગાડી રહ્યાં છે. આ પહેલા યુપીના મિરઝાપુરમાંથી 50 કિલો લીંબુની ચોરીની ઘટના બની હતી. લીંબુ ચોરીની આ બીજી ઘટના છે.