અનોખી ભેટ / લીંબુનું વધી ગયું માન! રાજકોટમાં લગ્નમાં વરરાજાને મિઠાઈના બોક્સમાં લીંબુની આપી ગિફ્ટ, સૌકોઈ હસી પડ્યા

• લગ્નમાં  ભેટ સ્વરૂપે આપ્યા લીંબુ
• ભાવ એટલા ઉંચા કે ભેટમાં અપાય છે લીંબુ
• ધોરાજીમાં વરરાજાને ભેટમાં આપ્યા લીંબુ

વધતી મોંઘવારી સામાન્ય લોકોના ખિસ્સા ખાલી કરી રહી છે.ઈંધણ, શાકભાજી સહિત તમામ રોજીંદા જીવનમાં ઉપયોગી ચીજ વસ્તુઓ મોંઘી થઈ રહી છે ત્યારે રાજકોટના ધોરાજીમાં લગ્ન પ્રસંગે વરરાજાને ગિફ્ટ રૂપે મિઠાઈના બોક્સમાં લીંબુ આપતા મહેમાનો અને વરરાજાના ચેહરા પર હાસ્ય લહેરાયું હતુ.ગિફ્ટનો આપવાનો હેતુ કદાચ એ હશે કે લીંબુના ભાવ એટલા ઉંચા થયા છે.કે લીંબુ કોઈને મોંઘી ભેટ તરીકે પણ આપી શકાય

લીંબુના માન પાણી વધી ગયા
રાજકોટ જીલ્લાના ધોરાજીમા લગ્ન પ્રસંગે છાબ મા અને મીઠાઈના બોક્સમા રૂપિયા અને દર દાગીના તથા મીઠાઈની જગ્યાએ લીંબુનું બોક્સ વરરાજાને અપાયું કારણ કે લીંબુના વધતા જતા ભાવને કારણે અનોખી રીતે સૌ કોઈનું ધ્યાન ખેંચવા આ હળવો વિરોધ કરવામાં આવ્યો.

લીબુના ભાવમાં ખટાસ
દિવસે ને દિવસે દરેક ચીજ વસ્તુઓ ના ભાવો આસમાને પહોંચી ગયા છે પેટ્રોલ ડીઝલ ખાદ્ય પદાર્થ શાકભાજીના ભાવમાં અસહ્ય વધારો થઈ રહ્યો છે ત્યારે ધોરાજીના હિરપરા વિસ્તારમાં રહેતા મોણપરા ફેમિલીમાં દિકરાના લગ્ન હતા અને પીઠી કાર્યક્રમ હતો ત્યારે હાલ શાકભાજી તથા લીંબુના ભાવો આસમાને છે. લીંબુનો ભાવ બસો થી ત્રણ સો રૂપિયા થઈ ગયો છે ત્યારે મોણપરા ફેમીલાના સગા સંબંધીઓએ મીઠાઈ કે રૂપિયા કે દાગીનાની જગ્યાએ છાબ મા જગ્યાએ લીંબુ આપ્યા હતા.

ભાવ કાબુમાં આવે તેવી અપીલ
​​​​​​​આ અનોખા ભેટ દ્વારા વધતા જતા લીંબુના ભાવો પર તંત્ર દ્વારા નિયંત્રણ કરવામા આવે તેવી અપીલ કરાઈ હતી. આ પહેલા એક એવો પણ ફોટો વાયરલ થયો હતો કે મિત્રોએ લગ્નમાં સોગત સ્વરૂપે વરવધુને પેટ્રોલની એક લિટરની બોટલ આપી હતી.