ઑલમ્પિક મૅડલ દરેક ખેલાડીનું સપનુ હોય છે. કોઇ પણ ખેલાડી માટે ગળામાં ગોલ્ડ મૅડલ પહેરીને પોડિયમ પર ઉભા રહીને રાષ્ટ્રગાન ગાવુ એક સૌભાગ્યની વાત હોય છે. કેટલાક ખુશનસીબ લોકો જ આ ખુશી મેળવી શકે છે. આ એક ક્ષણ જીવવા માટે ખેલાડી પોતાના જીવનના ઘણા વર્ષ લગાવી દેતો હોય છે. તમે ક્યારેય એવુ સાંભળ્યુ છે કે પોતાના હાથે જ ઑલમ્પિક સન્માન દૂર કરી દે ?
અલીએ કેમ ભર્યુ આ પગલુ
ઓહીયો નદી ગળી ગઇ ગોલ્ડ મૅડલ
તમે વિચારી શકો છો કે એ વ્યક્તિ પર શું વિતી હશે જેણે આટલુ મોટુ સન્માન ફેકી દેવાનો નિર્ણય લીધો હશે. એક નામ જેને તમે નાનપણથી સાંભળતા આવ્યા છો, તેણે પોતાના જીવનમાં કમાયેલુ સર્વોચ્ચ સન્માન પોતાના હાથે જ નદીમાં નાખી દીધુ હતું. આ અનમોલ મૅડલ તેમણે ઑલમ્પિકમાં હાંસિલ કર્યો હતો.
એ ખેલાડીનું નામ મોહમ્મદ અલી હતું. 2016માં 3 જૂને આ મહાન બોક્સરે આપણી વચ્ચેથી વિદાય લીધી હતી. તેમણે તેમના કરિયરમાં 61 ફાઇટ લડી હતી જેમાં માત્ર 5માં જ તેઓ હાર્યા હતા. 1960માં રોમ ઑલમ્પિકમાં તેમણે તેમના દેશ માટે ઑલમ્પિક મૅડલ જીત્યો હતો. 18 વર્ષની ઉંમરમાં તેમણે પોતાના દેશ અમેરિકા માટે સન્માન જીત્યુ હતું. એક ખેલાડી તરીકે તેમણે પોતાના દેશ માટે બધુ જ કર્યુ હતુ પરંતુ 37 વાર પોતાના ઓપોનન્ટને નૉકઆઉટ કરવાવાળો આ બોક્સર પોતાના જ દેશમાં રંગભેદથી હારી ગયો હતો.
મોહમ્મદ અલીનું નામ કેસિયસ ક્લે જુનિયર હતું. રોમ ઓલ્મપિકમાં માત્ર 18 વર્ષની ઉંમરે તહેલકો મચાવી દીધો હતો. આ મુકાબલાને અલી 5-0થી જીત્યા હતા. 5-0થી તેમણે ઑલ્મપિક ગોલ્ડ મૅડલ હાંસલ કર્યો હતો.
મોહમ્મદ અલીને હતુ કે મૅડલ મળ્યા બાદ તો તેને સૌ અમેરિકન્સ ચાહવા લાગશે પરંતુ એવુ ના થયું. ગોરા અમેરિકન્સને કાળા મોહમ્મદે જીતેલો ગોલ્ડ રંગ દેખાયો જ નહી. મોહમ્મદ અલી એક રેસ્ટોરન્ટમાં જવા ઇચ્છતા હતા પરંતુ તે માત્ર ગોરા લોકો માટે હતું માટે તે ત્યાં જઇ ન શક્યા.
કેમ મૅડલ નદીમાં ફેંક્યો?
જ્યારે અલી મૅડલ જીતીને આવ્યા ત્યારે કેટલાક ગોરા લોકોએ તેમનો મૅડલ છીનવવાનો પ્રયત્ન કર્યો હતો. હજૂ તો અલીએ મૅડલ મેળવ્યાની ખુશી પૂરી મહેસૂસ પણ નહોતી કરી અને તે રંગભેદથી હારી ગયા. અલીએ અમેરિકાની ઓહિયો નદીમાં પોતાનો મૅડલ ફેંકી દીધો.
ઓળખાણ છૂપાવી
કેસિયસ ક્લે એટલા હારી ગયા હતા કે તેમણે પોતાની ઓળખાણ, ધર્મ બધુ જ બદલી નાંખ્યુ હતું. તેમણે ઇસ્લામ અપનાવ્યો અને પોતાનું નામ મોહમ્મદ અલી રાખી લીધું અને તે બોક્સિંગના એકમાત્ર પર્યાય બની ગયા.