અનમેરિડ કપલ્સ અને લવર્સને કાયદા હેઠળ પાંચ મોટા અધિકાર મળેલા છે જે દરેકે જાણવા જેવા છે.
અનમેરિડ કપલ્સ અને લવર્સને મળેલા છે પાંચ મોટા અધિકાર
કોઈ પણ કપલ લગ્ન કર્યા વગર સાથે રહી શકે
અવિવાહિત યુગલોને હોટલમાં રહેવાનો પણ અધિકાર
અપરિણીત યુગલો જાહેર સ્થળે બેસી શકે
કપલ્સને ખાનગી જગ્યાએ શારીરિક સંબંધ બાંધવાનો પણ અધિકાર
ઘણીવાર જોવામાં આવે છે કે ભારતમાં અપરિણીત કપલ્સને ઘણી મુશ્કેલીઓનો સામનો કરવો પડે છે. ઘણી વખત તમે ફિલ્મોમાં જોયું હશે કે અવિવાહિત યુગલોને હોટલોમાં દરોડા દ્વારા અથવા ઉદ્યાનોમાં નજીકના લોકો દ્વારા પરેશાન કરવામાં આવે છે. આવું માત્ર ફિલ્મોમાં જ નહીં પરંતુ હકીકતમાં પણ થાય છે. આવી સ્થિતિમાં ભારતમાં અપરિણીત કપલ્સને મળતાં અધિકારો જાણી લેવાની જરુર છે જેથી કરીને તેઓ તેમના જીવનસાથી સાથે લોકોની કનડગત વગર આરામથી રહી શકે.
અનમેરિડ કપલ્સ અને લવર્સને મળેલા પાંચ મોટા અધિકાર
1. લીવ ઇન રિલેશનશિપ એક્ટ આ કાયદા હેઠળ
કોઈ પણ કપલ લગ્ન કર્યા વગર સાથે રહી શકે છે. જો કે કોર્ટના નિયમ મુજબ લિવ ઇન રિલેશનશિપમાં રહેતા કપલમાં છોકરાની ઉંમર 21 વર્ષ અને છોકરીની ઉંમર 18 વર્ષથી વધુ હોવી જોઈએ. બંને પાર્ટનર ઈચ્છે તો શારીરિક સંબંધ પણ બનાવી શકે છે. વર્ષ 2006માં સુપ્રીમ કોર્ટે એક કેસમાં ચુકાદો આપ્યો હતો કે પુખ્ત વયની થયા બાદ કોઇ પણ વ્યક્તિ કોઇને પણ રહેવા અને લગ્ન કરવા માટે સ્વતંત્ર છે. જો કે કોર્ટ પરણિત કપલની જેમ જ લિવ ઇન રિલેશનશિપ ધરાવતા કપલ પર દંડ ફટકારી શકે છે. જેમ કે છૂટાછેડા બાદ પતિ પત્નીને ખર્ચો ચૂકવે છે.
2. હોટલમાં રહેવાના નિયમો
અવિવાહિત યુગલોને પણ હોટલમાં રહેવાનો અધિકાર છે. ભારતીય કાયદા અનુસાર, પુખ્ત વયના યુગલો કોઈપણ હોટલમાં રહી શકે છે. આ માટે કપલ્સને હોટલમાં ઓળખપત્ર કે કોઇ ડોક્યુમેન્ટ બતાવવા પડી શકે છે. એવી ઘણી હોટલો પણ છે જ્યાં સ્થાનિક આઈડી સ્વીકારવામાં આવતા નથી. તેથી હોટલના નિયમો અને શરતો જાણવી જરૂરી છે.
(3) જાહેર સ્થળે બેસવાના નિયમો
અપરિણીત યુગલો પણ પરણિત યુગલોની જેમ જાહેર સ્થળે બેસી શકે છે. જો કે જાહેર સ્થળોએ અશ્લીલ પ્રવૃત્તિઓ પર પ્રતિબંધ છે. જો કોઈ જાહેરમાં અશ્લીલ કૃત્ય કરે છે, તો તેને કલમ 294 હેઠળ 3 મહિનાની સજા થઈ શકે છે. પરંતુ જો કોઇ કપલ જાહેર સ્થળે બેસીને વાત કરતું હોય તો તેની ધરપકડ થઈ શકે નહીં.
(4) અપમાન વિરુદ્ધના નિયમો
લીવ ઈન રિલેશનશિપમાં દંપતી વચ્ચે દુર્વ્યવહાર થાય છે અથવા છોકરો છોકરીને ત્રાસ આપે છે. આવી સ્થિતિમાં મહિલા સુરક્ષા અધિનિયમ 2005 હેઠળ યુવતી સુરક્ષાની માંગ કરી શકે છે.
(5) શારીરિક સંબંધોના નિયમો
ભારતીય બંધારણમાં કલમ 21 હેઠળ તમામ નાગરિકોને પ્રાઈવેસીનો અધિકાર આપવામાં આવ્યો છે. કોઈપણ પુખ્ત કપલ્સ ખાનગી જગ્યાએ શારીરિક સંબંધ બાંધી શકે છે. સુપ્રીમ કોર્ટે પણ 2 કેસના પોતાના ચુકાદાઓમાં આ વાત દોહરાવી છે.