ભારતના નેતૃત્વમાં સાઉથ એશિયા વૈશ્વિક વિકાસનું કેન્દ્ર બની રહ્યું છે અને ૨૦૪૦ સુધીમાં વિશ્વના વિકાસદરમાં ભારતનું યોગદાન ૧/૩ હશે. ઇન્ટરનેશનલ મોનેટરી ફંડ (આઇએમએફ)ના એક રિપોર્ટમાં આ વાત જણાવવામાં આવી છે.
આઇએમએફના નકશામાં પાકિસ્તાન અને અફઘાનિસ્તાનને દક્ષિણ એશિયામાં સામેલ કરવામાં આવ્યા નથી. આઇએમએફના જણાવ્યા પ્રમાણે દક્ષિણ એશિયાના નકશામાં ભારત, બાંગ્લાદેશ, નેપાળ, શ્રીલંકા, ભૂતાન અને માલદિવ આપે છે. દક્ષિણ એશિયામાં યુવાનોનો મોટો વર્કફોર્સ હોવાથી વિકાસની ગતિ તેજ થઇ રહી છે.
નવી દિલ્હીમાં આ અંગે એક સસ્ટેનેબલ ગ્રોથ એજન્ડા જારી કરવામાં આવ્યો છે. આઇએમએફમાં એશિયા અને પેસિફિક ડિપાર્ટમેન્ટના ડેપ્યુટી ડાયરેક્ટર એની મારીએ જણાવ્યું છે કે વિકાસની ગતિની વાત કરીએ તો સાઉથ એશિયા ઝડપથી વૈશ્વિક વિકાસનું કેન્દ્ર બનવા તરફ આગળ વધી રહ્યું છે.
આઇએમએફના જણાવ્યા અનુસાર ૨૦૩૦ સુધીમાં આ ક્ષેત્રના ૧૫ કરોડથી વધુ લોકો કામ કરવા યોગ્ય બની જશે. તેમણે જણાવ્યું કે ભારત દ્વારા પીપીપી મોડલ અપનાવ્યા બાદ ટૂંક સમયમાં યુએસએના ઇન્કમ લેવલના ૪૫ ટકા સુધી ભારત પહોંચી શકે છે, જે વૈશ્વિક વિકાસનો ૧/૩ હિસ્સો હશે.