લેબનોન પેજર્સ બ્લાસ્ટ / VIDEO : ઘરો, રસ્તાઓ અને બજારોમાં લોકોના ખિસ્સામાં રહેલા 'મોબાઈલ'માં બ્લાસ્ટ, 11ના મોત

લેબનોન અને સીરિયાના બોર્ડર એરિયામાં મંગળવારે સાંજે પેજર્સમાં ભયાનક બ્લાસ્ટ થતાં સનસની મચી હતી. પેજર્સ બ્લાસ્ટમાં અત્યાર સુધી 11થી વધુ લોકોના મોત થયાં છે અને 4000થી વધુ લોકો ઘાયલ થયાં છે.

100 ગ્રામ વજનવાળાં 5000થી વધુ પેજર્સમાં વિસ્ફોટકો ભરાયાં

સૂત્રોએ કહ્યું કે ઈઝરાયેલે 100 ગ્રામ વજનવાળાં 5000થી વધુ પેજર્સમાં વિસ્ફોટક ભરીને બ્લાસ્ટ કરાવ્યાં હતા જેનો હેતુ આતંકી સંગઠન હિઝબુલ્લાહના વધારેમાં વધારે આતંકીઓને મારી નાખવાનો હતો. પેજર હેક કરીને બ્લાસ્ટ કરવામાં આવ્યા હતા. આ પેજર્સનો ઉપયોગ હિઝબુલ્લાહના આતંકીઓ કરે છે. આ હેકિંગ પાછળ ઈઝરાયેલનો હાથ હોવાનો દાવો કરવામાં આવી રહ્યો છે. હિઝબુલ્લાહનું કહેવું છે કે તે આ હુમલા માટે ઈઝરાયેલને જવાબદાર માને છે. જોકે, ઈઝરાયેલે હજુ સુધી આ અંગે કોઈ પ્રતિક્રિયા આપી નથી.

તાઈવાનની કંપની સાથે મોસાદે કરી ખાનગી ડીલ

તપાસમાં સામે આવ્યું છે કે હિઝબુલ્લાહે આ પેજર્સ તાઈવાનની ગોલ્ડ એપોલો કંપની પાસેથી ખરીદ્યા હતા. ગોલ્ડ અપોલો કંપનીના ચેરપર્સનનું કહેવું છે કે એક યુરોપિયન ડિસ્ટ્રીબ્યુટરે કંપની માટે આ પેજર્સ તૈયાર કર્યા હતા. ઇઝરાયેલની ગુપ્તચર સંસ્થા મોસાદે પેજરમાં વિસ્ફોટક ફીટ કર્યા હતા. આ પેજર્સ તાઈવાનની એક કંપની દ્વારા તૈયાર કરવામાં આવ્યા હતા, જે તાઈવાનથી લેબનોન મોકલવામાં આવ્યા હતા. મોસાદે લેબનોન પહોંચતા પહેલા જ આ પેજર્સમાં વિસ્ફોટકો લગાવી દીધા હતા.

વધુ વાંચો : VIDEO : 'હિંદુ છું એટલે મારી ધરપકડ ન કરાઈ', આખાબોલી એક્ટ્રેસ સ્વરા ભાસ્કરે છેડી મોટી ચર્ચા

ઘરો, રસ્તાઓ અને બજારોમાં લોકોના ખિસ્સામાં રહેલા પેજર્સ ફાટ્યાં

મંગળવારે સાંજે લેબનોનના અનેક શહેરોમાં ઘરો, રસ્તાઓ અને બજારોમાં લોકો જ્યારે ખરીદી કરવા કે બીજા કામમાં વ્યસ્ત હતા ત્યારે તેમના ખિસ્સામાં રહેલા પેજર્સમાં બ્લાસ્ટ થયાં હતા, હિઝબુ્લ્લાહના લડાકૂઓના ખિસ્સામાં રહેલા પેજર્સમાં પણ વિસ્ફોટ થયાં હતા જેમાં અત્યાર સુધી 11થી વધુ લોકોના મોત થયાં છે અને 4000 લોકો ઘાયલ થયાં છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ