વાહ ગુજરાતી વાહ / ધોની અને કોહલીને પાછળ છોડીને હાર્દિક પંડ્યાએ રચ્યો ઈતિહાસ, કેપ્ટન બનતા સાથે જ તોડયા આ રેકોર્ડ

• કપ્તાન તરીકેના ડેબ્યુમાં જ આયરલેન્ડની ટીમને 7 વિકેટથી માત આપીને ઈતિહાસ રચી દીધો
• આયરલેન્ડના સૌથી ખતરનાક ખેલાડી પોલ સ્ટર્લિંગને આઉટ કરીને આયરલેન્ડની ટીમને કમજોર કરી દીધી
• 12 બોલમાં 24 રન બનાવ્યાં હતા જેમાં તેમણે ત્રણ સિક્સ મારી હતી

હાર્દિક પંડ્યાએ તેના કપ્તાન તરીકેના ડેબ્યુમાં જ આયરલેન્ડની ટીમને 7 વિકેટથી માત આપીને ઈતિહાસ રચી દીધો છે. આ મેચમાં હાર્દિક પંડ્યાએ ખુબ જ સારી બોલિંગ અને બેટિંગ કરી હતી. કપ્તાન બનીને ને આ મેચમાં હાર્દિક પંડ્યાએ પોતાનું અને દેશનું નામ રોશન કર્યું છે. આ જીત એક ડેબ્યુ કપ્તાન તરીકે ઐતિહાસિક જીત છે. એમને એક એવો રેકોર્ડ પોતાનાં નામે કરી લીધો છે જે આજ સુધી મહેન્દ્ર સિંહ ધોની કે વિરાટ કોહલી પણ નથી કરી શક્યા. 

હાર્દિક પંડ્યાએ બનાવ્યો આ રેકોર્ડ 
આયરલેન્ડ સામે ટોસ જીતીને હાર્દિક પંડ્યાએ સૌપ્રથમ બોલિંગ કરવાનો નિર્ણય લીધો હતો અને આ મેચમાં બીજી ઓવર હાર્દિક પંડ્યાએ નાખી હતી. આ સાથે જ હાર્દિક પંડ્યાએ પોતાની ઓવરમાં 13 રન સામેની ટીમને આપ્યા હતા પણ આયરલેન્ડના સૌથી ખતરનાક ખેલાડી પોલ સ્ટર્લિંગને આઉટ કરીને આયરલેન્ડની ટીમને કમજોર કરી દીધી હતી. આ સાથે જ ઇન્ટરનેશનલ ક્રીર્કેતમાં ભારત તરફથી વિકેટ લેવાવાળા આ પહેલા ભારતીય કેપ્ટન બન્યા હતા. 

કેપ્ટન તરીકે સફળ રહ્યાં હાર્દિક
હાર્દિક પંડ્યા કેપ્ટન તરીકે ઘણાં સફળ રહ્યાં છે. જો કે એમની તેમની કેપ્ટનશીપમાં ગુજરાત ટાઈટન્સે આઇપિએલ 2022ની ટ્રોફી જીતી હતી.જો કે તેઓ DRS લેવામાં મહારથી બની ગયા છે અને બોલિંગમાં બદલાવ પણ ઘણી સારી રીતે કરે છે. આઉરલેન્ડ સામે હાર્દિકે 12 બોલમાં 24 રન બનાવ્યાં હતા જેમાં તેમણે ત્રણ સિક્સ મારી હતી. બોલિંગ કેરતી વખતે એમને 2 ઓવરમાં ૨૬ રન આપ્યા હતા અને એક વિકેટ પણ લીધી હતી. 

ભારત માટે ત્રણેય ફોર્મેટમાં રમી રહ્યા છે 
હાર્દિક પંડ્યા ભારતીય ક્રિકેટ ટીમ માટે ત્રણેય ફોર્મેટમાં રમી રહ્યા છે. એમને ભારત માટે  60 ટી 20 મેચમાં 670 રન બનાવ્યાં છે અને  44 વિકેટ લીધી છે. 63 વંદે મેચમાં પણ એમને 57 વિકેટ અને 1286 રન બનાવ્યાં છે. 11 ટેસ્ટ મેચમાં 17 વિકેટ અને 532 રન બનાવ્યાં છે. હાર્દિક પંડ્યાએ મહેન્દ્ર સિંહ ધોનીની કેપ્તાનીમાં વર્ષ 2016માં ઓસ્ટ્રેલીયા સામે ડેબ્યુ કર્યું હતું. તે ભારતીય ટીમનાં ઓલરાઉન્ડર્સ ખેલાડીઓ માંથી એક છે.