ખુશખબર / હવે આ તારીખ સુધી ટ્રાફિક પોલીસ નહીં ફાડી શકે મેમો, જાણો ક્યાં લેવાયો મોટો નિર્ણય

• લર્નર ડ્રાઇવિંગ લાયસન્સની વેલિડિટીમાં બે મહિનાનો વધારો
• દિલ્હી સરકારે લર્નર ડ્રાઇવિંગ લાયસન્સની વેલિડિટી લંબાવી
• લર્નર લાઇસન્સ હવે 31 મે 2022 સુધી માન્ય રહેશે

દિલ્હીમાં લર્નર ડ્રાઇવિંગ લાયસન્સની વેલિડિટી લંબાવવામાં આવી છે. જે લર્નર લાયસન્સની માન્યતા 31 માર્ચ 2022 નાં રોજ સમાપ્ત થઈ રહી છે તેની માન્યતા હવે રાજ્ય સરકારે 2 મહિના સુધી લંબાવવાનો નિર્ણય કર્યો છે. જેથી લર્નર લાઇસન્સ હવે 31 મે 2022 સુધી માન્ય રહેશે. દિલ્હીના પરિવહન મંત્રી કૈલાશ ગેહલોતે આ નિર્ણય અંગેની માહિતી આપતા જણાવ્યું છે કે, લોકો માટે લાઇસન્સ રિન્યુ કરાવવાની આ છેલ્લી તક છે. તમને જણાવી દઈએ કે, આ પહેલાં આ વર્ષે જાન્યુઆરીમાં દિલ્હી સરકારે ડ્રાઇવિંગ લાયસન્સની વેલિડિટી 31 માર્ચ સુધી લંબાવી હતી. દિલ્હી સરકારે કોરોનાના વધતા જતા સંક્રમણને જોતા આ મોટો નિર્ણય લીધો છે.

કૈલાશ ગેહલોતે ટ્વિટ કરીને લખ્યું છે કે, 'જે લર્નર લાયસન્સની વેલિડિટી એટલે કે માન્યતા 31 માર્ચ 2022 સુધી સમાપ્ત થઈ રહી છે તેને 2 મહિના માટે એટલે કે 31 મે 2022 સુધી લંબાવવામાં આવી છે. જો કે, ધ્યાન રાખજો કે આ તમારી માટે છેલ્લી તક છે.'

લર્નર ડ્રાઇવિંગ લાયસન્સની વેલિડિટીમાં 2 મહિનાનો વધારો

દિલ્હી ટ્રાન્સપોર્ટ ડિપાર્ટમેન્ટ દ્વારા જારી કરવામાં આવેલા આદેશમાં કહેવામાં આવ્યું છે કે, ડ્રાઇવિંગ લર્નર્સ લાયસન્સની માન્યતા સમય-સમય પર વધારવામાં આવી છે, કારણ કે ડ્રાઇવિંગ સ્કિલ ટેસ્ટ અને ડ્રાઇવિંગ સ્કિલ ટેસ્ટ માટે નવી એપોઇન્ટમેન્ટ્સને DDMA GNCTD ઓર્ડરના પાલનમાં કોવિડ-19 ને રોકવા માટે કોરોના કાળમાં સસ્પેન્ડ કરવામાં આવી હતી.

એવું ધ્યાનમાં આવ્યું છે કે, અનેક લર્નર્સ લાયસન્સ હોલ્ડર્સ કે જેઓને મહામારીની પરિસ્થિતિના કારણે 1લી ફેબ્રુઆરી 2022 થી 31મી માર્ચ 2022 વચ્ચે માન્ય જાહેર કરવામાં આવેલાં. હજુ સુધી સ્કિલ ટેસ્ટની એપોઇનમેન્ટ નથી મળી અને ત્યાં ઉપલબ્ધ ડ્રાઇવિંગ સ્કિલ ટેસ્ટ સ્લોટની તુલનામાં અનેક ગણા અરજદાર છે. જેથી હવે વિભાગ દ્વારા જારી કરાયેલા લર્નર લાયસન્સની જે માન્યતા 31 માર્ચ 2022 સુધીમાં સમાપ્ત થવાની હતી તેને બે મહિનાના ગાળા તરીકે છેલ્લી તકનાં રૂપમાં 31 મે 2022 સુધી લંબાવી દેવાઇ છે.

Those Learner License whose validity is going to expire by 31.03.2022 has been extended for a period of 2 months ie upto 31.05.2022. Pls note that this is the last and final opportunity. pic.twitter.com/tWe1LbP60W

— Kailash Gahlot (@kgahlot) March 24, 2022

આધાર અને લાયસન્સને આ રીતે લિંક કરો

તમે તમારા ડ્રાઇવિંગ લાયસન્સને આધાર સાથે લિંક કરી શકો છો. એ માટે તમારે તમારા રાજ્યના રોડ ટ્રાન્સપોર્ટ વિભાગની વેબસાઇટ પર જવું પડશે. ત્યાં link aadhaar પર ક્લિક કરો. ડ્રોપ ડાઉન મેનુમાં જઇને ડ્રાઇવિંગ લાઇસન્સનો વિકલ્પ પસંદ કરો. અહીં ડ્રાઇવિંગ લાઇસન્સ નંબર એન્ટર કરો અને Get Details વિકલ્પ પર ક્લિક કરો. હવે 12 અંકનો આધાર નંબર દાખલ કરો ત્યાર બાદ મોબાઇલ નંબર પણ દાખલ કરો. જો કે, એ બાબતને ધ્યાનમાં રાખજો કે તમારો મોબાઈલ નંબર આધાર સાથે લિંક હોવો જોઈએ.

પ્રક્રિયાને પૂર્ણ કરવા સબમિટ બટન પર ક્લિક કરો. તમને મોબાઈલ નંબર પર એક OTP મળશે. હવે ફોર્મમાં OTP એન્ટર કરો. જેથી કરીને આધાર અને ડ્રાઇવિંગ લાયસન્સને લિંક કરવાનું કામ પૂર્ણ થઇ શકે.