કોરોનાના આ મુશ્કેલ સમયમાં અમિતાભ બચ્ચન ભારતની જનતાનું મનોરંજન કરવા માટે સૌથી આગળ ચાલી રહ્યાં છે. પોતાની ફિલ્મો સાથે તે ટીવી પર ફરી એકવાર છવાઇ જવા તૈયાર છે.
કૌન બનેગા કરોડપતિનું રજીસ્ટ્રેશન થશે શરૂ
અમિતાભ બચ્ચન ફરી દેખાશે ટીવી પર
13મી સિઝન માટે કરાવો રજીસ્ટ્રેશન
હાલમાં જ અમિતાભ બચ્ચનના ક્વિઝ શો કોન બનેગા કરોડપતિ સિઝન 13નું એલાન થયુ છે. ઘણા પ્રોમો સાથે આ શોનું એલાન કરવામાં આવ્યું છે. તેનું રજીસ્ટ્રેશન શરૂ થવા જઇ રહ્યું છે.
કૌન બનેગા કરોડપતિ શોના 2021 એડિશન પ્રોમો સામે આવ્યો છે. તેમાં જણાવવામાં આવ્યુ છે કે કેબીસી 13ની રજીસ્ટ્રેશનની તારીખ 10 મે છે. 10 મેથી રજીસ્ટ્રેશન શરૂ થવા જઇ રહ્યું છે. પ્રોમોમાં અમિતાભ બચ્ચન કહે છે કે, ક્યારેય વિચાર્યુ છે કે તમારા અને તમારા સપના વચ્ચે કેટલુ અંતર છે, માત્ર 3 અક્ષરનું કોશિશ... તો તમારુ સપનુ સાકાર કરવા ઉઠાવો ફોન અને થઇ જાઓ તૈયાર કારણકે 10 મેથી શરૂ થવા જઇ રહ્યુ છે કેબીસી રજીસ્ટ્રેશન. હોટ સીટ અને હું તમારી રાહ જોઇ રહ્યાં છીએ બસ તૈયાર થઇ જાઓ.
કેવી રીતે કરશો રજીસ્ટ્રેશન
સોમવાર 10 મે 2021 રાત્રે 9 વાગ્યાથી અમિતાભ બચ્ચનના સવાલ શરૂ થઇ જશે અને તેની સાથે શોમાં ભાગ લેવા માટે રજીસ્ટ્રેશન પણ. ચેનલ દ્વારા રજૂ કરવામાં આવેલ ગાઇડલાઇન્સ અનુસાર કોન બનેગા કરોડપતિમાં માત્ર એસએમએસ કે સોની લીવ દ્વારા જ ભાગ લઇ શકાય છે. તે બિલકુલ ફ્રી છે.
કેબીસી 12માં આ વિજેતા
તમને જણાવી દઇએ કે કેબીસી 12માં 4 કરોડપતિ બન્યા હતા. કોવિડ 19 ફ્રંટલાઇન વોરિયર્સ ડૉ. નેહા શાહ, અમિતાભ બચ્ચનના આ શોની ચોથી કરોડપતિ બની હતી. તે પહેલા અનુપા દાસ, આઇપીએસ અધિકારી મોહીત શર્મા અને નાઝીયા નીગમે પણ એક કરોડ રૂપિયા જીત્યા હતા. શોમાં ઓડીયન્સે હિસ્સો નહોતો લીધો માટે ઓડીયન્સ પોલ લાઇફલાઇનની જગ્યાએ વિડીયો અ ફ્રેન્ડ લાઇફલાઇન રાખવામાં આવી હતી.