પોલીસ આરોપી પાસેથી 2 ફોન,1 લેપટોપ,અલગ-અલગ 7 પાસબૂક અને 26 ચેકબુક,27 ડેબિટ કાર્ડ તેમજ 10 જેટલા ક્રેડિટ કાર્ડ અને સ્ટેમ્પ સહિતનો મુદ્દામાલ જપ્ત કર્યો
કોરોનાની મહામારીમાં નોકરીની શોધ કરનારા લોકોની સાથે છેતરપિંડી કરનાર આરોપી ઝડપાયો છે....હાલ કોરોના મહામારીના પગલે વિશ્વમાં આર્થિકમંદી જેવા માહોલ છે ત્યારે ઠગબાજોની ટડકી સક્રિયા થઈ છે નોકરી આપવાની લાલચ આપી અનેક લોકોને લૂંટનાર ગેંગના કિસ્સા અવાર નવાર સાંભળવા મળતા હોય છે ત્યારે નોકરીની લાલચ આપી ઠગાઈ કરતો આરોપી ઝડપાયો છે.
રૂપિયા લઇને નોકરી અપાવવાની લાલચ
અમદાવાદ સાયબર ક્રાઇમ બ્રાંચે રૂપિયા લઇને નોકરી અપાવવાની લાલચ આપનાર આરોપી વિપુલ બોરસણીયાની ધરપકડ કરી છે..અમદાવાદ સાયબર ક્રાઇમ બ્રાંચે ફરિયાદના આધારે આરોપી વિપુલ બોરસણીયાને અમરેલી જીલ્લાના મતીરાલા ગામેથી ઝડપી પાડ્યો હતો આ આરોપી અગાઉ પણ કેટલાક ગુનામાં સામિલા હોવાનું બહાર આવ્યું છે જેમાં લોકો સાથે ઠગાઈ કરતો અને રૂપિયા પડાવતો ખુલ્યું છે.
અગાઉ 10 ગુનાઓમાં પણ આરોની સામેલ
પોલીસ આરોપી પાસેથી 2 ફોન,1 લેપટોપ,અલગ-અલગ 7 પાસબૂક અને 26 ચેકબુક,27 ડેબિટ કાર્ડ તેમજ 10 જેટલા ક્રેડિટ કાર્ડ અને સ્ટેમ્પ સહિતનો મુદ્દામાલ જપ્ત કર્યો છે.પોલીસ તપાસમાં આરોપી વિપુલ બોરસણીયાએ અન્ય 10 ગુના કર્યા હોવાનું પણ સામે આવ્યું છે. પોલીસ દ્વારા હાલ વધુ તપાસ હાથ ધરવામાં આવી છે આરોપી સાથે અન્ય કેટલ લોકો સંડોવાયેલા છે તે મામલે પોલીસ તપાસ હાથ ધરી છે..