સુરતમાં આવી જ રીતે એક ભાજપ દ્વારા વોર રૂમ બનાવવામાં આવ્યો છે. જેમાં ટેક્નિકલ સ્ટાફ દ્વારા સતત ઈ-પોસ્ટર બનાવવાની કામગીરી થતી હોય છે.
મનપાની ચૂંટણીને લઇ ભાજપ સક્રિય
કુલ 50થી વધુનો સ્ટાફ સતત કાર્યરત
ચૂંટણી પ્રચારની સામગ્રી કાર્યકરો સુધી પહોચાડ છે
સુરત મનપાની ચૂંટણીમાં હવે ડિઝીટલ પ્રચારનો સમય આવી ગયો છે. જેને લઈ દર વર્ષે ભાજપ વોરરૂમ પણ બનાવતી હોય છે. આ વખતે પણ અલગ અલગ જિલ્લાઓમાં વોર રૂમ બનાવવામાં આવ્યા છે. સામાન્ય લોકોને એ પણ ખ્યાલ હોતો નથી કે, તેમના મત માટે રાજનીતિક પાર્ટીઓ કઈ પ્રકારે કામ કરે છે. સુરતમાં આવી જ રીતે એક ભાજપ દ્વારા વોર રૂમ બનાવવામાં આવ્યો છે. જેમાં ટેક્નિકલ સ્ટાફ દ્વારા સતત ઈ-પોસ્ટર બનાવવાની કામગીરી થતી હોય છે. જેને ભાજપના કાર્યકરો અને નેતાઓ સુધી પહોંચાડવામાં આવે છે.
આ સાથે ગ્રાફિક ડિઝાઇન, વીડિયો એડિટિંગ સહિતની કામગીરી થતી હોય છે. તો ટેલિકોલર, ડેટા એન્ટ્રી, ન્યૂઝ મોનિટરિંગ જેવા વિભાગ બનાવાયા છે. વોરરૂમમાં લાઇવ સ્ટ્રીમિંગ વ્યવસ્થા પણ કરવામાં આવી છે. વોરરૂમમાં કુલ 50થી વધુનો સ્ટાફ સતત કાર્યરત હોય છે.