અમદાવાદ / NSUI-ABVP વચ્ચે ઘર્ષણમાં જાણો પોલીસે કોને બચાવવા પ્રયાસ કર્યો...

• પોલીસે ABVPને બચાવવા પ્રયાસ કર્યો
• નિખિલ સવાણીને દબાણ કરી ડિસ્ચાર્જ કરવામાં આવ્યાં
• પોલીસે નિખિલને લાલચ આપવાનો પણ પ્રયાસ કર્યો હોવાનો નિખિલનો આક્ષેપ

મારા પર દબાણ કરવામાં આવ્યું : નિખિલ

નિખિલ સવાણીએ પોલીસની કામગીરી સામે સવાલ ઉઠાવ્યાં છે. તેમજ તેમણે પ્રેસ કોન્ફરન્સમાં જણાવ્યું હતું કે, જ્યારે આ ઘટનાં બની ત્યારે પોલીસ અધિકારીઓ ત્યાં હાજર હતાં. તેમજ જ્યારે મે ઋત્વિક પટેલ અને પ્રદિપસિંહનું નામ મારી ફરિયાદ લખાવવાની વાત કરી જે લોકો મુખ્ય સુત્રધાર છે. ત્યારે પોલીસે આ લોકોનાં નામ મારી ફરિયાદમાંથી હટાવવા માટે પોલીસે દબાણ કર્યું હતું. તેમજ પોલીસ અધિકારીઓએ મને કહ્યું તને જે જરુર હોય તે કહે તને મળી જશે. જે પોલીસ અધિકારીઓ સાથે હું સંપર્કમાં હતો અને જેમની ટ્રાન્સફર થઈ ગઈ છે. તેમનાં દ્વારા પણ મને આ લોકોનાં નામ ફરિયાદમાંથી હટાવવા દબાણ કરાવાયું છે. 

કેમ ABVPને બચાવવાનો પ્રયાસ થઈ રહ્યો છે

ABVPનાં લોકોએ હુમલો કર્યો હતો. તેઓેએ મીડિયા કર્મીઓ સાથે પણ મિસ બિહેવ કર્યું. મીડિયાનાં કેમેરામાં પણ આ ઘટનાં કેદ થઈ છે. પોલીસ મારી ફરિયાદ નથી લઈ રહી તેઓ  ABVPના લોકોને બચાવવાનો કેમ પ્રયાસ કરી રહી છે. પોલીસે અમને માર ખાતા રોકવાનું કામ કરવાની જગ્યાએ તેમની હાજરીમાં એકબીજા લાકડીઓ વહેંચવાનું કામ કરાયુ અને પોલીસે કેમ તેમને ન રોક્યા? તેમને કોનો આદેશ હતો.