ખુલાસો / કોરોના ફેલાવવા મામલે ચીનની ખૂલી મોટી પોલ, લીક થયેલા ડૉક્યુમેન્ટ્સથી થયો મોટો ઘટસ્ફોટ

જો કે ભૂતકાળમાં ઘણાં એવા રિપોર્ટ્સ સામે આવ્યાં છે જેમાં કહેવામાં આવ્યું હોય કે ચીને જાણીજોઇને કોરોના વાયરસ પ્રકોપ સાથે જોડાયેલા પુરાવાને દબાવી દીધા છે અથવા તો નષ્ટ કરી દીધા છે. આરોપ એવો પણ છે કે કમ્યુનિસ્ટ શાસકોએ કોરોના અંગે બોલતા ડોકટરો અને વ્હિસિલબ્લોઅરને ચૂપ કરાવીને અન્ય દેશો પાસે માહિતી જતા અટકાવી હતી.આ સાથે બીજિંગની લેબોરેટરીમાં તેના પુરાવા નષ્ટ કરી દીધા અને આંતરરાષ્ટ્રીય વૈજ્ઞાનિકને જીવીત પુરાવા આપવાથી ઇનકાર પણ કરી દીધો અને એક રસી પર કામ કરી રહ્યાં હતા. 

CNNમાં પ્રકાશિત કરાયેલ એક રિપોર્ટ અનુસાર હુબેઇ પ્રાંતમાં સ્થાનિક આરોગ્ય અધિકારીઓએ એક ડૉક્યમેન્ટ પર  'આંતરિક દસ્તાવેજ - ગુપ્ત રાખવું' તેવા ચિહ્ન સાથે એક દસ્તાવેજ રાખ્યો હતો. મહત્વનું છે કે હુબેઈ એ જ પ્રાંત છે જ્યાં વાયરસને લઇને પહેલી વાર ખબર પડી હતી અને 10 ફેબ્રુઆરીના રોજ કુલ 5918 નવા મળેલા કેસ આવ્યા હતાં જે સત્તાવાર રીતે પુષ્ટિ કરાયેલા કેસો કરતા ડબલ હતો. પરંતુ તેને બે કેટેગરીમાં વહેંચી દેવાયો હતો.

ચીન હેલ્થકેર સિસ્ટમમાં કામ કરી રહેલા એક વ્હિસિલબ્લોઅરે હુબેઇ પ્રાંતિય સેંટર ફોર ડિસીઝ કંટ્રોલ એન્ડ પ્રિવેંશન (CDC) માંથી CNNને આંતરિક દસ્તાવેજના 117 પેજ આપ્યાં હતાં.

આ ફાઇલને CNNએ 6 વિશેષજ્ઞો પાસે વેરીફાઇડ કરાવ્યું હતુ અને કેવી રીતે ઓક્ટોબર 2019 અને એપ્રિલ 2020ની વચ્ચે કોરોનાવાયરસને સંચાલિત કરવા માટે સંઘર્ષ કરવો પડ્યો. આ એક એવો સમય હતો જેમાં વાયરસ ચીનથી દુનિયાભરમાં મહામારીનું કારણ બન્યો. 

મહત્વનું છે કે કોરોના ફેલાવવાને લઈને ઘણી બધી થિયરી સામે આવી ચૂકી છે એમાં પછી વુહાન લેબથી ફેલાયાની  વાત હોય કે પછી ચીનના વેટ (માંસ) માર્કેટમાંથી ફેલાયા હોવાની વાત.

જો કે વાયરસ ક્યાંથી ફેલાયો તેનું હજુ સુધી કોઈ કારણ જાણી શકાયું નથી. ચીનમાં જ્યારે સૌપ્રથમ કેસ આવ્યો ત્યારે ડૉક્ટર્સ અને હેલ્થકેરના અધિકારીઓને આ એક સામાન્ય ફ્લુ અને ચેપ તેવું લાગ્યું હતું અને જાન્યુઆરી 20 સુધી કોઈ પણ એવા મહત્વના પગલાં ભરાયા ન હતા તેવો પણ આરોપ છે. 

શી જિનપિંગ સરકારે અમેરિકા અને અન્ય પશ્ચિમી સરકારો દ્વારા ચીન પર જાણજોઇને વાયરસ સંબંધિત જાણકારી છુપાવાના આરોપને ફગાવી દીધો હતો.