મહામારી / VIDEO : ચીને હવે હદ વટાવી, કોરોના ટેસ્ટને નામે મહિલાઓ સાથે થઈ રહ્યો છે ભયાનક વર્તાવ, જુઓ વીડિયો

• ચીનના શંઘાઈમાં અધિકારીઓનો જુલમ
• મહિલાઓને પકડીને બળજબરીપૂર્વક કરી રહ્યાં છે કોરોના ટેસ્ટ
• લીક થયેલા વીડિયોમાં ચીનની બર્બરતા આવી સામે 

ચીનમાં મહામારીને નામે કમ્યુનિસ્ટ સરકારનો વરવો ચહેરો સામે આવ્યો છે.ચીને ઝીરો કોવિડ પોલિસી અનુસાર હવે લોકો પર રીતસરનો જુલમ ગુજારવાનું શરુ કર્યું છે. ચીન હવે પકડી પકડીને લોકોના બળજબરીપૂર્વક કોરોના ટેસ્ટ કરી રહ્યું છે. સોશિયલ મીડિયા પર આવી એક ઘટનાનો વીડિયો વાયરલ થયો છે. 

这个强行检测姿势应该让全世界看一看🤬😡 pic.twitter.com/PUwnfCXF4t

— 浩哥i✝️i🇺🇸iA2 (@S7i5FV0JOz6sV3A) April 27, 2022

મહિલાને પકડીને ટેબલ નીચે સુવડાવીને કર્યો કોરોના ટેસ્ટ
શંઘાઈ પ્રશાસનના અધિકારીઓ હવે હદ વટાવી છે. વાયરલ વીડિયો અનુસાર, અધિકારીઓએ એક મહિલાનો બળજબરીપૂર્વક કોરોના ટેસ્ટ કર્યો હતો. બે હેલ્થકેર વર્કરે સૌથી પહેલા એક મહિલાને ટેબલ નીચે દબાવી દીધી અને એક પુરુષ કર્મી તેની પર ચઢી ગયો અને તેનો પરાણે કોરોના ટેસ્ટ કરવા લાગ્યો, આ દરમિયાન મહિલા ના ના કરતી રહી હતી પરંતુ તેની એક વાત સાંભળવામાં આવી નહોતી. શાંઘાઈનો આ વીડિયો જણાવી રહ્યો છે કે કોરોના ટેસ્ટના નામે મહિલાની આવી ટ્રીટમેન્ટ માત્ર ચીનમાં જ શક્ય છે.

શું છે વાયરલ વીડિયોમાં 

ટ્વિટર પર આવો જ એક વીડિયો વાયરલ થઈ રહ્યો છે, જેમાં મહિલાને કોવિડ ટેસ્ટ માટે જમીન પાડી દેવામાં આવી હતી.  વીડિયો શરૂ થતા જ મહિલા એક ટેસ્ટ સેન્ટરના ફ્લોર પર પડેલી જોવા મળી રહી છે, જેની ઉપર એક પુરુષ છે. તે ચીસો પાડી રહી છે અને બળજબરીપૂર્વક થઈ રહેલા કોરોના ટેસ્ટનો પ્રતિકાર કરવાનો પ્રયત્ન કરી રહી છે, પરંતુ તે માણસ તેના હાથ તેના ઘૂંટણ પર દબાવે છે અને તેને બરાબરની પકડી રાખી હતી જરા પણ છટકવા દીધી નહોતી. આ ઘટનાએ માનવાધિકાર ભંગની ગંભીર ઘટના ઉજાગર કરી છે.