વિવાદ / આ ભૂલ બાદ નેતાઓના ટ્વીટર એકાઉન્ટ થયા બંધ, ગુજરાત કોંગ્રેસનું ટ્વીટર હેન્ડલ પણ સસ્પેન્ડ

• ટ્વીટર અને કોંગ્રેસ વચ્ચે વધુ વકર્યો વિવાદ
• ગુજરાત કોંગ્રેસનું ટ્વીટર અકાઉન્ટ પણ થયું સસ્પેન્ડ
• આ પહેલા કોંગ્રેસના નેતાઓના અકાઉન્ટ બ્લોક થયા હતા

કોંગ્રેસના મોટા નેતાઓના ટ્વીટર એકાઉન્ટ સસ્પેન્ડ થતા બાદ હવે ગુજરાત કોંગ્રેસનું એકાઉન્ટ પણ સસ્પેન્ડ થઈ ગયું છે.  કોંગ્રેસના પૂર્વ અધ્યક્ષ રાહુલ ગાંધી બાદ કોંગ્રેસ પાર્ટીનું અધિકૃત ટ્વીટર એકાઉન્ટ પણ લોક કરવામાં આવ્યું  જે બાદ કોંગ્રેસ અન્ય સોશિયલ મીડિયા ઈન્ટાગ્રામ પર સ્ક્રિનશોર્ટ શેર કરતા કહ્યું કે કોંગ્રેસ નેતા જેલમાં જવાથી ડર્યા નથી તો ટ્ટીટર એકાઉન્ટ બંધ કરી દેવામાં આવતા શું ખાક ડરવાના છીએ 

ટ્વીટર અને કોંગ્રેસ વચ્ચે વધુ વકર્યો વિવાદ

કોંગ્રેસએ ફેસબુક પર લખ્યું હતું કે અમે લડીશું, અમે લડતા રહીશું. બીજી તરફ ગુજરાત કોંગ્રેસનું ટ્વીટર એકાઉન્ટ પણ સસ્પેન્ડ કરી દેવામાં આવ્યું છે. મહત્વનું છે કે રાહુલ ગાંધીનું ટ્વિટર એકાઉન્ટ છેલ્લાં પાંચેક દિવસથી સસ્પેન્ડ છે. ત્યારે આજે નેશનલ કોંગ્રેસ, KC વેણુગોપાલ, રણદીપ સુરજેવાલા અને રોહન ગુપ્તાનું ટ્વિટર એકાઉન્ટ પણ સસ્પેન્ડ થયું છે.

ગુજરાત કોંગ્રેસનું ટ્વીટર અકાઉન્ટ પણ થયું સસ્પેન્ડ

ઉલ્લેખનિય છે  કોંગ્રેસએ ઇન્સ્ટાગ્રામ ઉપરાંત ફેસબુક પેજ પર પણ એકાઉન્ટ લોક થવા અંગે પ્રતિક્રિયા આપી હતી. કોંગ્રેસએ લખ્યું હતું કે, ‘જ્યારે અમારા નેતાઓને જેલમાં બંધ કરવામાં આવ્યાં ત્યારે અમે ન હોતા ડર્યા. તો હવે ટ્વિટર એકાઉન્ટ બંધ થવાથી શું ડરીશું. અમે કોંગ્રેસ છીએ, પ્રજાનો સંદેશ છીએ. અમે લડતા રહીશું.’ કોંગ્રેસએ આગળ એમ પણ લખ્યું હતું કે, ‘જો બળાત્કાર પીડિતા બાળકીને ન્યાય અપાવવા માટે અવાજ ઉઠાવવો અપરાધ છે તો આ અપરાધ અમે 100 વખત કરીશું. જય હિન્દ…સત્યમેવ જયતે…’

રાહુલ ગાંધીનું ટ્વીટર અકાઉન્ટ 5 દિવસથી બ્લોક છે

મહત્વનું છે કે રાહુલ ગાંધીએ થોડા દિવસ અગાઉ દિલ્હીમાં થયેલા દુષ્કર્મ અને હત્યાનો શિકાર બનેલી નવ વર્ષીય બાળકીના પરિવાર સાથે મુલાકાતે માટે ગયા ત્યારે રાહલ ગાંધીએ તેમના પરિવાર સાથેની પોસ્ટ ટ્વીટ કરી હતી. જેમાં લખ્યું હતું કે રાહુલ ગાંધીએ લખ્યુ હતુ કે, માતા-પિતાના આંસુ માત્ર એક વાત કહી રહ્યા છે કે તેમની પુત્રી,  દેશની પુત્રી ન્યાયની હકદાર છે અને ન્યાય માટે આ લડતમાં  હું તેમની સાથે છું.

આ પહેલા રાષ્ટ્રીય કોંગ્રેસનું ટ્વીટર અકાઉન્ટ પણ સસ્પેન્ડ

જે બાદ રાષ્ટ્રીય બાલ અધિકાર સંરક્ષણ આયોગે ફરિયાદ કરી હતી. જે બાદ રાહુલ ગાંધીનું ટ્વિટ  ડિલિટ કર્યુ હતું. આયોગે કોંગ્રેસ લીડર પર સગીર પીડિતાની પ્રાઈવસીનું ઉલ્લંઘન કર્યો હોવાનો આરોપ લગાવ્યો હતો. તેના કારણે છોકરીની ઓળખ છતી થઈ ગઈ હોવાનો દાવો કરીને એક વકીલે દિલ્હી પોલીસને રાહુલ સામે એફઆઈઆર નોંધવા અરજી આપી હતી.

કોંગ્રેસના વરિષ્ઠ નેતાઓના ટ્વીટર અકાઉન્ટ પણ બંધ 

સમગ્ર મામલે રાષ્ટ્રીય બાળ સુરક્ષા સંરક્ષણ પંચે ટ્વિટરને ફરિયાદ કરી હતી અને કહ્યું હતું કે રાહુલ ગાંધીના ટ્વિટર હેન્ડલ વિરુદ્ધ કાર્યવાહી કરે. પંચે રાહુલ ગાંધીના ટ્વીટ પર કાર્યવાહી કરવાની માગણી સાથે  ટ્વિટરને લખેલા પત્રમાં કહ્યું હતું કે, કોઈ પણ સગીર પીડિતાના પરિવારની તસવીર ટ્વિટર પર પોસ્ટ કરવી, તેમજ  કિશોર ન્યાય કાયદા, 2015ની કલમ 74 અને બાળ યૌન અપરાધ નિવારણ કાયદો (પોક્સો) ની કલમ 23નું ઉલ્લંઘન છે. આ ફરિયાદના પગલે  ટ્વિટરે રાહુલ ગાંધીના એ વિવાદિત ટ્વીટને હટાવી દીધું હતું.