પંજાબમાં કોંગ્રેસે મુખ્યમંત્રી બદલ્યા બાદ હવે કોંગ્રેસ બીજા રાજ્યોમાં પણ કઈક નવા જૂની કરવાના મૂડમાં હોય એવું લાગી રહ્યું છે. દિલ્હીમા હાઇકમાન્ડની બેઠકો આજકાલ વધી ગઈ છે.
રાહુલ ગાંધીના નિવાસસ્થાને બેઠકો વધી
કોંગ્રેસ હાઇકમાન્ડ એક્શનમાં
સચિન પાયલટ પણ સપ્તાહમાં 2 વખત રાહુલને મળ્યા
પંજાબમાં કોંગ્રેસે મુખ્યમંત્રી બદલ્યા બાદ હવે કોંગ્રેસ હાઇકમાન્ડ બીજા રાજ્યોમાં પણ કઈક નવા જૂની કરવાના મૂડમાં હોય એવું લાગી રહ્યું છે.
આ રાજ્યોમાં સ્થિતિ સુધારવા કોંગ્રેસ હાઇકમાન્ડ એક્શનમાં
કોંગ્રેસ હાઇકમાન્ડ હવે અન્ય રાજ્યોમાં સ્થિત સુધારવા કે મજબૂત કરવા તરફ ધ્યાન આપી રહ્યું હોય એવું લાગી રહ્યું છે. ગુજરાત રાજસ્થાન અને પંજાબને લઇ દિલ્લીમાં બેઠકોનો દોર શરૂ થયો હોવાના અહેવાલ છે. ખાસ કરીને રાજસ્થાન-પંજાબના નેતાઓના દિલ્લીના આંટાફેરા વધ્યા હોવાની માહિતી છે.
પંજાબ મુખ્યમંતરીના વધી ગયા ફેરા
પંજાબના નવા CM ચન્ની છેલ્લા કેટલાક દિવસમાં જ 3 વાર દિલ્લી પ્રવાસ કરી ચૂક્યા છે. આ પાછળ દેખીતી રીતે જ કોઈ મજબૂત કારણ હોય તેવી સંભાવના છે.
સચિન પાયલટ પણ મળ્યા રાહુલને
સચિન પાયલટ પણ સપ્તાહમાં 2 વખત રાહુલ ગાંધીને મળ્યા હતા.
ગઇકાલે પણ પાયલટ રાહુલ ગાંધીના નિવાસસ્થાને પહોંચ્યા હતા.
રાહુલ ગાંધીના નિવાસસ્થાને સચિન પાયલટે બેઠક કરી હતી. આ બેઠકમાં અન્ય કોંગ્રેસના નેતાઓ પ્રિયંકા ગાંધી, કે.સી.વેણુગોપાલ પણ હાજર રહ્યાં હતા. અને સચિન પાયલટ બાદ રાહુલના નિવાસસ્થાને પહોંચ્યા હતા પંજાબના CM ચન્ની.
CM ચન્ની સાથે પંજાબના મંત્રીમંડળને લઇને ચર્ચા થઇ હતી. આ મિટિંગ બાદ પંજાબ મંત્રીમંડળમાં પૂર્વ CM કેપ્ટનની નજીકના લોકોના પત્તા કપાશે એવી સંભાવના પણ જણાઈ રહી છે.
સુનીલ જાખડને જવાબદારી?
સુનિલ જાખડ પણ પૂર્વ મુખ્યમંત્રી કેપ્ટન અમરિન્દરના રાજીનામાં બાદ પંજાબ કોંગ્રેસમાં મોટું નામ તરીકે જોવામાં આવી રહ્યા છે. હવે
પંજાબથી નેતા સુનીલ જાખડને દિલ્લીમાં જવાબદારી મળી શકે છે.
રાજસ્થાનની શું સ્થિતિ?
પંજાબ બાદ રાજસ્થાનમાં પણ કોંગ્રેસ કઇંક નવા જૂની કરે તેવી સંભાવના છે. રાજસ્થાનમાં થોડા દિવસોમાં મંત્રીમંડળનું વિસ્તરણ થશે માટે હવે રાજસ્થાનમાં પણ 6 જેટલા નવા મંત્રીઓ શપથ લેવાના છે. જેના કારણે ગુજરાત કોંગ્રેસના નેતાઓની નજર પણ રાજસ્થાનની સ્થિતિ પર મંડાયેલી છે કારણ કે તેના આધારે હાઇકમાંડનું વલણ નક્કી થશે. આ ઉપરાંત રાજસ્થાનમાં મંત્રીમંડળના વિસ્તરણ બાદ પ્રભારી ગુજરાત કોંગ્રેસને મળશે એવા સમાચાર છે.
આગામી દિવસોમાં કોંગ્રેસ કયા રાજ્યમાં કેવા પગલાં લે છે અને તેની કેવી કેવી અસરો આવે છે તે જોવાનું રસપ્રદ રહેશે.