'મનમર્ઝિયા'ના લીડ એક્ટર્સ અભિષેક વિકી અને તાપસી અમદાવાદની મુલાકાતે

પોતાની બોલિવુડ અપકમિંગ ફિલ્મ 'મનમર્ઝિયા'ના પ્રમોશન માટે લીડ કેરેક્ટર્સ અભિષેક બચ્ચન વિકી કૌશલ અને તાપસી પન્નુએ અમદાવાદની મુલાકાત લીધી હતી.

ફિલ્મની લીડ એક્ટ્રેસ તાપસી પન્નુએ VTV સાથે ખાસ વાતચીત દરમિયાન પોતાના બાળપણને યાદ કરતા કહ્યુ કે ''મેં બાળપણના ઘણા વર્ષો અમદાવાદમાં વિતાવ્યા છે. મારી માસી અહીં રહે છે અને કોલેજના સમયમાં વેકેશન દરમિયાન હું અમદાવાદ આવતી હતી તે સમયે મારે બાઈક ચલાવવી હતી ત્યારે મેં અમદાવાદમાં મારા માસીના દીકરા પાસે બાઈક શીખવાની વાત કરી હતી અને તેણે બાઈક શીખવવાની તૈયારી દર્શાવી ત્યારે મમ્મી-પપ્પાને તે પસંદ ન હતુ કે હું બાઈક શીખુ. આવા સમયે બધાથી છુપાઈને હું અને મારો ભાઇ ચુપકેથી ઉનાળાની ભરગરમીમાં 3 વાગ્યે બાઈક શીખવા નીકળ્યા હતા.. તે સમય ઉનાળાની ગરમીમાં બાઈક બંધ પડી ગઈ તો અને બહુ લાંબી મહેનત પછીને બાઈક શીખી હતી આજે પણ મને એ દિવસો મને યાદ છે કે વેકેશન દરમિયાન અમે અહીંના વોટર પાર્કમાં જતા હતા અને તે સમયના મારા ફોટો આજે પણ હું જોઉ ત્યારે હસી પડુ છું.''

ફિલ્મમાં કામ કરવા વિશે મે ક્યારેય વિચાર્યું ન હતુ
હું ભણવામાં હોશીયાર હતી અને  મને ક્યારેય ફિલ્મો જોવાનો કે નાટક જોવાનો કોઈ શોખ ન હતો. એટલુ જ નહીં મે ક્યારેય નાટકમાં પણ સ્કૂલ કે કોલેજ દરમિયાન ભાગ લીધો ન હતો. પરંતુ કોલેજ દરમિયાન પૈસા કમાવવાના માટે મેં થોડો મોડેલિંગ કરવાનું શરૂ કર્યું ત્યારે મે ક્યારેય વિચાર્યું પણ ન હતુ કે હું ફિલ્મમાં જઈશ.  જ્યારે મોડેલિંગ શરૂ કર્યું ત્યારે પરિવારને પણ આંચકો લાગ્યો કે તને આ શોખ ક્યારથી જાગ્યો ત્યારે મે કહ્યું કે મોડેલિંગ હું માત્ર થોડા પૈસા કમાવવા માટે કરુ છું. કોલેજના અભ્યાસની સાથે સાથે મેં મોડેલિંગ કર્યું અને કોલેજમાં સારા માર્કસ પણ લાવ્યા હતા. મને કોલેજ દરમિયાન ઈન્ફોસેસમાં નોકરી પણ લાગી ગઈ હતી. 

વીડિયો વાયરલ થતા થઇ મને મળી ફિલ્મોમાં એન્ટ્રી
મોડેલિંગની મારી વીડિયો જ્યારે વાયરલ થવા લાગ્યો ત્યારે મને ફિલ્મોની ઓફર આવવા લાગી અને મને લાગ્યુ કે મારે ફિલ્મમાં પણ  થોડો ટ્રાય કરી લઈએ. જો મજા નહીં આવે તો નોકરી કરીશું પણ ધીમે ધીમે ફિલ્મો મળતી ગઈ હું કરતી ગઈ અને ખ્યાલ પણ ન રહ્યો કે હું આજે આટલી સારી ફિલ્મો કરવા લાગી છું..

બેબીમાં એન્ટ્રી વખતે મેં ઘણા ધક્કા ખાધા હતા
'બેબી' માટે જ્યારે મને મારા એક દોસ્તે વાત કરી ત્યારે એણે એવુ પણ કહ્યું કે 'બેબી'માં એક 10 મિનિટનો રોલ છે જો તારે કરવો હોય તો ફિલ્મના ડિરેક્ટર નિરજ પાંડેને મળી લે જે. ત્યારે મેં નિરજ પાંડેને મળવાના ઘણા પ્રયત્નો કર્યા પણ તેઓને મળવામાં ઘણો સમય લીધો હતો મેં ફિલ્મના કાસ્ટિંગ ડિરેક્ટરને મળીને નિરજ પાંડેને મળવાની વાત કરી ત્યારે બે અઠવાડિયા પછી મને તેમને મળવાની એપોઈમેન્ટ મળી અને જ્યારે ત્યાં ગઈ ત્યારે મને એક સક્રિપ્ટ આપી તે મેં વાંચી હતી જે પછી ઘરે ગયા બાદ મને ફોન આવ્યો કે તમે આ ફિલ્મ માટે સિલેક્ટ છો શૂટ માટે આવી જજો મે સ્વપ્ને પણ ન હતુ વિચાર્યુ કે આ ફિલ્મ પછી મને લોકો આટલું પસંદ કરશે મારી એક્ટિંગને જોઇને ફિલ્મ ડિરેક્ટર નિરજ પાંડેએ મને લઇને 'બેબી'ની પ્રીક્વલ બનાવવા માટે સ્ક્રિપ્ટ લખી અને 'નામ શબાના' ફિલ્મ બની 

અભિષેક બચ્ચન વિકી કૌશલ અને તાપસી પન્નુની અપકમિંગ ફિલ્મ 'મનમર્ઝિયા' 14 સપ્ટેમ્બરના રિલીઝ થશે. આ ફિલ્મને અનુરાગ કશ્યપે ડિરેક્ટ અને આનંદ એલ રાયે પ્રોડ્યુસ કરી છે જ્યારે આ ફિલ્મથી લાંબા સમય બાદ જૂનિયર બચ્ચન બોલિવુડમાં દેખાશે. 
                                                                                                                                              ઈનપુટ - જ્યંતી ચૌધરી