ચેતજો / લે આલે ! પીઝાની સાથે અપાયેલી ચીલી ફ્લેક્સની ડબ્બીમાંથી નીકળી ઈયળ, ગ્રાહકે મચાવ્યો હોબાળો

• પીઝા રેસ્ટોરન્ટમાં નીકળી જીવાત 
• આણંદના રેસ્ટોરન્ટની તાજી ઘટના 
• બહારનું ધાબડતા પહેલા વિચારી લેજો 

બહારના ભોજનાલય કે રેસ્ટોરન્ટમાં સ્વાદના શોખીનો વાર-તહેવારે ઉમટતા હોય છે. વધારે ઘરાકી જોઈને હોટેલના રસોયાઓ પણ નિષ્કાળજી દાખવતા હોય છે અને ઓર્ડર પર પૂરું ધ્યાન આપી રહ્યા હોય છે. પણ આ વચ્ચે ક્યારેક એવી મોટી ગફલત થી જાય છે કે, ગ્રાહક જેને ભગવાન સમજવાનો હોય તેને માટે યમદ્વાર બની જવા જેવી ભૂમિકા ભજવાઈ જતી હોય છે. જન સ્વાસ્થ્યના આરોગ્ય સાથે ગંભીર ચેડા જેવી ઘટના આણંદના સોજીત્રા રોડ પર આવેલા  ઓકટાન્ટ પીઝા રેસ્ટોરન્ટમાં બની છે 

આણંદના સોજીત્રા રોડ પર આવેલી ઓકટાન્ટ પીઝા રેસ્ટોરન્ટનો એક વીડિયો વાયરલ થયો છે. જેમાં ગ્રાહકને આપવામાં આવેલા ભોજનમાંથી ઈયળો નીકળી છે. ગ્રાહકને પીઝાની સાથે ચીલી ફ્લેક્સની ડબ્બી આપવામાં આવેલી હતી. આ ચીલી ફ્લેક્સની ડબ્બીમાંથી ઈયળો નીકળતા ગ્રાહકે વીડિયો બનાવ્યો હતો. અને રેસ્ટોરન્ટ સામે ફરિયાદ કરવાની તજવીજ હાથ ધરી હતી..હાલ આ વીડિયો સોશિયલ મીડિયામાં વાયરલ થયો છે.