કોરોનાના કહેર વચ્ચે દેશમાં નેપાળ અને ચીની સાથે બોર્ડર પર તણાવ જોવા મળી રહ્યો છે. જો કે ચીન સાથેના વધતા તણાવ વચ્ચે સ્વદેશી વિમાન તેજની બીજી સ્કવાડ્રન વાયુસેનામાં સામે કરવામાં આવી છે. આ સ્કવાડ્રનનું નામ ફલાઇંગ બુલેટ્સ રાખવામાં આવ્યું છે. જેની શરૂઆત વાયુસેનાના પ્રમુખ એર ચીફ માર્શલ RKS ભદોરિયાએ કરી. વાયુસેનાના પ્રમુખે તેજસમાં ઉડાન ભરી.
તેજસ વિમાનની બીજી સ્ક્વોડ્રન વાયુસેનામાં થઈ સામેલ
વાયુસેના અધ્યક્ષ RKS ભદોરિયાએ તેજસમાં ઉડાન ભરી
તેજસની બીજી સ્ક્વોડ્રનનું નામ ફ્લાઈંગ બુલેટ્સ રાખવામાં આવ્યું
આજે આ કાર્યક્રમનું આયોજન તામિલનાડુના કોયમ્બતૂરની પાસે આવેલ સુલૂર એરફોર્સ સ્ટેશન પર કરવામાં આવ્યું. આ સ્કવાડ્રન LCA તેજસ વિમાનમાં રહિત છે. તેજસને ઉડાવનારી વાયુસેનાની આ બીજી સ્કવાડ્રન છે.
વાયુસેનાએ વેઇટેલેટ (હલકા) લડાકૂ વિમાન તેજસને HAL પાસેથી ખરીદ્યું છે. નવેમ્બર 2016માં વાયુસેનાએ 50,025 કરોડ રૂપિયામાં 83 તેજસ માર્ક-1 ની ખરીદીને મંજૂરી આપી હતી. આ ડીલ પર અંતિમ સમજૂતિ અંદાજે 40,000 હજાર કરોડ રૂપિયા થયો છે. એટલે કે ગત કિંમત કરતાં 10,000 હજાર કરોડ રૂપિયા ઓછા છે.
નોંધપાત્ર છે કે એરફોર્સ સ્કવાડ્રન 18ની શરૂઆત 1965માં આદર્શ વાક્ય 'તીવ્ર અને નિર્ભય' ની સાથે થઇ હતી. આ સ્કવાડ્રન 15 એપ્રિલ 2016 પહેલા મિગ-27 વિમાન ઉડાવી રહી હતી. સ્કવાડ્રનને આ વર્ષે 1 એપ્રિલના રોજુ સુલૂરમાં ફરી શરૂ કરવામાં આવી હતી.
જો લડાકૂ વિમાન તેજસની વાત કરીએ તો આ ચોથી પેઢીનું વેઇટલેસ વિમાન છે. જેની સરખામણી પોતાના જનરેશનના બધા ફાઇટર જેટસમાં સૌથી હલકા વિમાન તરીકે થાય છે.
સ્કવાડ્રનની ઉણપનો સામનો કરી રહેલ વાયુસેનાને આ વર્ષે 36 રાફેલ લડાકૂ વિમાનનો પહેલો જથ્થો મળવા જઇ રહ્યો છે. આ વચ્ચે તેજસની એક નવી સ્કવાડ્રનનો સમાવેશ થવું વધુ એક રાહત ભર્યા સમાચાર છે.
નોંધપાત્ર છે કે વાયુસેનામાં તેજસની નવી સ્કવાડ્રનનો સમાવેશ એવા સમયે થઇ રહ્યો છે જ્યારે ભારતનો ચીન અને નેપાળ સાથે સરહદ પર તણાવ જોવા મળી રહ્યો છે. ગત દિવસોમાં લદ્દાખમાં ચીન અને ભારતના સૈનિકો આમને-સામને આવી ગયા હતા. જેને લઇને સરહદ પર ભારતે જવાનોની સંખ્યામાં વધારો કરી દીધો છે.