બેંગલોરમાં એક વ્યક્તિ જોડે એવું થયું કે ફૂડ મંગાવ્યું સ્વિગીમાં અને આવ્યું ડુંઝો એપથી. વ્યક્તિએ સોશિયલ મીડિયામાં શેર કર્યો અનુભવ.
એક સ્વિગી એજન્ટે પોતાનો ઓર્ડર અન્ય એક એપ દ્વારા ડિલિવર કર્યો
ડુંઝો એક હાઇપર-લોકલ ડિલિવરી એપ છે જે નજીકના ડિલિવરી પાર્ટનર સાથે જોડે છે
ટ્વીટર પર ઘણા લોકોએ ટીક્કાઓ તો ઘણા લોકોએ સપોર્ટ કર્યો
ઓર્ડર કર્યો સ્વિગી પર પણ આપવા આવ્યું બીજું જ કોઈ
સોશિયલ મીડિયા પર એક અજીબોગરીબ ઘટના વાયરલ થઇ રહી છે. જેમાં એક સ્વિગી એજન્ટે પોતાનો ઓર્ડર અન્ય એક એપ દ્વારા ડિલિવર કર્યો હતો. હવે ઇન્ટરનેટ પર આ ડિલિવરી એજન્ટને મહા આળસુ કહેવામાં આવી રહ્યો છે. તેણે ગ્રાહકના ફૂડ પેકેજની ડિલિવરી કરાવવા માટે ડુંઝો (Dunzo) રાઇડ બુક કરાવી હતી. તાજેતરમાં જ બેંગલુરુના એક વ્યક્તિએ સ્વિગી એપ દ્વારા સીસીડી આઉટલેટમાં કોફીનો ઓર્ડર આપ્યો હતો.
કસ્ટમરને ફોન આવ્યો " ભૈયા 5 સ્ટાર રેટિંગ દે દેના "
ઓર્ડર પેક કરીને ડિલિવરી માટે તૈયાર થયા બાદ ડિલિવરી પાર્ટનર સ્વિગીએ તેને ઉપાડી લીધો હતો. જો કે એજન્ટે તેને પોતે ડિલીવર કરવાને બદલે ડુંઝો નામની ડિલિવરી એપ પરથી એક વ્યક્તિને બુક કરાવી હતી. એ પછી તેણે કસ્ટમરને ફોન કરીને સ્વિગી પર 5 સ્ટાર રેટિંગ આપવાનું પણ કહ્યું હતું.જે લોકો નથી જાણતા તેને જણાવીએ કે ડુંઝો એક હાઇપર-લોકલ ડિલિવરી એપ્લિકેશન છે જે વપરાશકર્તાઓને નજીકના ડિલિવરી પાર્ટનર સાથે જોડે છે.
લોકોએ ટ્વિટને કરી વાઇરલ
ઓમકાર જોશીએ ટ્વિટર પર એક રમૂજી પોસ્ટ શેર કરી હતી, જેમાં લખ્યું હતું, "બેંગલુરુમાં અદ્ભુત ઘટના બની રહી છે. મેં સીસીડી પર સ્વિગી એપ્લિકેશન દ્વારા કોફીનો ઓર્ડર આપ્યો. ડિલિવરી બોયે ઓર્ડર એસેપ્ટ કર્યો, પરંતુ ડિલિવરી માટે અહીં આવવું ખૂબ આળસુ લાગતું હોવાથી તેણે મને આ ડુંઝો એપ્લિકેશન દ્વારા મોકલ્યું અને મને તેનો ફોન આવે છે કે 'ભૈયા, મેં ડુંઝો કર્યું છે, કૃપા કરીને મને 5-સ્ટાર રેટિંગ આપજો '.
ઘણા આવ્યા ડિલિવરી બોયની તરફેણમાં
આ પોસ્ટ સોશિયલ મીડિયા પર વાયરલ થઈ છે અને નેટીઝન્સ રમુજી ટિપ્પણીઓ કરી રહ્યા છે. એક યુઝરે લખ્યું, "હાહાહાહા! બેંગલુરુ થી ઘણો લગાવ છે, પરંતુ આ તો ગજબની મોટી મજાક થઈ ગઈ, "બીજાએ ડિલિવરી બોયનો બચાવ કરતા કહ્યું, "તેને આળસુ કહેવાને બદલે .. તેની વ્યાવસાયિકતાનો આદર કરો, કદાચ સ્વિગી દ્વારા મળતા પૈસા કરતાં વધુ ડિલિવરી માં ખર્ચ થઈ જતાં હોય.કદાચ કોઈ કારણસર તે ડિલિવરી ના કરી શક્યો હોય.